Read Karbi SOLOMON ALUN 6 Bible Online

SOLOMON ALUN 6 - Karbi bible

SOLOMON ALUN 6

¹Arjekemenei a-arloso, nangningkedok apinso konatsi damtang-loma? Netum la keri thekji aphan nangningkedok apinso konatsi kedamma nethannon.

²Neningkedok apinso ha amethang aberisi kechedam, hadak dovai athengpi do, La beri along pi ahur pachopan lapen pindong mir-heihei pangrum.

³Neningkedok apinso ke nepharman, lapen neke alang pharman. La pindong amir angbong la api ahur pachopan.

⁴Ne kechinghon abangpi, nang Jerusalem keme asonsi nang arje mepik, Tirzah arongsopi asonsi inghon meme. La rongsopi kethe ason achethe che-en nang.

⁵Ne ingden pen nangmek chepahelonon, latum nephan pachetevar longledet-lo. Nangchu Gilead anglong akeng-ri bi ahur kesun asonsi kanlo.

⁶Nangso biresak ahur nonhet kechamtang ason lok-kling, Ehongta jokje, halatum chingdontai.

⁷Nang-om kechekurki ape angkrak pen doilor.

⁸Recho bangthrokkep arechopi, enpangtar apiso bang throknerkep, lakha un-e arloso pa-ennang!

⁹Bonta neke inut aphansi ningdokchot, lapen labangpi vothung ason inghonmemepik. La apei pi ipumpet asopi, apei kechinghonnei asopi. Arlosopimar do-an la aphan langsi rolo; Rechopi atum lapen enpangtar a-arloso atum lun pen laphan rolo.

¹⁰La komat-lo arni kevang asonsi kelang? La arjemepik lapen phlan-o, arni mate chiklo asonsi la turbong.

¹¹Arlok athengpi aklim kelangjisi, drakha arong arvo kechingjokmi lapen dalim kepangphar kelangjisi ne thesere athengpi aberi angbong nanghirlo.

¹²Ron alosei ahemkonglong kardon abang ron aphan a-ok keklemhur asonsi neta ne-ok klemhurlo. Pima nang nephan nepanghon ingtungvarret.

¹³Kannon, kannon, Shulam a-okarjang atum. Nangtum kekan nepalanglongtha. Kelangphrong kangnisar angno nephan kopisi nangtum ne kekan langpoma?