Read Karbi SOLOMON ALUN 7 Bible Online

SOLOMON ALUN 7 - Karbi bible

SOLOMON ALUN 7

¹Kopi manghumeme asopima nang! Nang kengden kedong ahut nang ko-an kelangme. Kekurven nangkengtham lake arjan ketokthek atum akam nangnak.

²Kepangvuitang thepthepin drakha aharlung do. Soktipli abui pindong amir-heihei si komchen.

³Nang chubonghini lake bi thijok cherop lapen jok-lupi jonni ason.

⁴Nang chethok lake ingnar aso pen kekim ahemchardon kangtui ason. Nangmek lake rongsopi anghapkethe adung kedo Heshbon arongsopi alangteng-heihei ason. Nangnokan lake Damaskas anat ketonding Lebanon ahemchardon kelangme ason.

⁵Nangphu ke Karmel anglong ason ingtuiving. Alon kepitang nangchu lake inglitphlot ape ason, la kelangme recho aphan ingnang-un.

⁶Nangphan kelang ko-an ningkangsam, ko-an kelangme. Nang kanghon aning-arong ko-an kechokpet.

⁷Sotele arong ason nang kangjinso pen plengset, lapen nang chubong drakha athe abitung nangnak.

⁸Ne sotele arong arlusi lapen la athe likji, Nang chubong-heihei nephan drakha-heihei abitung ason.

⁹Lapen nang ingho kemenei adrakha alang ason. Tangte drakha alang nening kehang apinso angtur lapen nang ingbip bithe palidung nang.

¹⁰Ne ke neningkehang apinso amarlo lapen alangli nephan chingtung-lo.

¹¹Vangnon, ne kechinghon abang, Rong anat etum damlonang.

¹²Drakha arikang chingjoktang loma, angphar-heihei pangpharloma lapen dalim arong amir ingthuloma la kelangjisi etum adapprang thur lonang. Lapen hadak nekanghon nangphan nangpipo.

¹³Mekkejang adovai arong angnim-heihei nang long-un, lapen ningkedok athesere-heihei adung anghap alongsi dolo. Kechinghon abang, aban lapen akemi ne nangphansi nangbipilo.