Read Karbi SOLOMON ALUN 8 Bible Online

SOLOMON ALUN 8 - Karbi bible

SOLOMON ALUN 8

¹Nepei achubong kechutang abang nang ne-ik apok asonte me-oji apot-lo! Ne jongsi nangphan tovarpi along nangchetong lote, ne nangphan nang-ingjupji apot-lo lapen baduta nehijimje detpo.

²Nepei ahem ne nangponte nang hadak nephan kanghon nethan unji apot-lo. Ne nangphan kepangvui amosola alang ne dalim athe alang nangpajunji apot-lo.

³Nangri arvi ke nephu arum lapen nangri ar-e pen ne arbak-lo.

⁴Jerusalem a-arloso atum netum nening-kechehang along nang khamkhedundelo pura semetangnon.

⁵Aningkehang apinso pen ari che-ot-lok-lak, ha kejejangtang ajo pen kevang komat atumlo? Nangmahang kethek adim ha apel arong arum ne si nangmek paprang-lo.

⁶Nangning badu akanghon aphan ingpudunri, bonta nephan, badu aphanta arbak-ri bonta nephan. Kanghon ke kethi ason ajakongthepik, La ingbopsi ame ade doji, lapen kecholap lap ame asonsi cho-et.

⁷Lang la aphan pamet un-e; langthepi la aphan pajang un-e. Bonta mane jongsi amethang aphan bor-ite bang penta kelangrop si la cholongpo.

⁸Netum inut angjir do, lapen la achubong bihek-hak-lang Inut ariso bangpi pen chingkilote netum laphan kopisi keklemnangji?

⁹La jongsi paisong pulote, netum la aphan isi rup ahem chardon kimpiji. Bonta la jongsi isi anghap pulote, netum la aphan Kedar akapat-heihei pen raipo.

¹⁰Neke isi apaisong-lo lapen ne chubong-heihei la hem-chardonlo. Ne alangli pen dorphlup lapen ningkangsam long-lo lapen neningkehang apinso chini.

¹¹Baal Hamon pu adim Solomon adrakha aberi do, Hadak saiketiki atum arideng hodailo; bangphutinta rup suri isi angkleng piver.

¹²Solomon alangli suri angkleng deng-lo; lapen ketiki atum pharohini an halatum apharman long-lo; Ne ke nemethang drakha aberi do!

¹³Ne kechinghon abangpi, beri pen nangse neparju longtha; Nang lam karjujisi nejirpo atum ke chonghong phrong-lo.

¹⁴Neningkehang apinso, bi thijok asonle mate mosala kethe anglong along kedo ajok-lu aloso asonle nelong vangnon.