Read Karbi ISAIAH 11 Bible Online

ISAIAH 11 - Karbi bible

ISAIAH 11

¹David recho aren ke kepitang athengpi arong asonlo; bonta angtut pen avosik kechingjok ason, lasonsi David asomar angbong pen recho inut nangklangpo.

²HEMPHU akarjongsi laphan bidi pipo, lapen gian, arat kepangriji asai anta pipo. Alangli HEMPHU aningkehang chini po, lapen alangliphan manpipo,

³lapen alangliphan kekroi aputhak aning cheparongpo. Alangli athak langphrui pen lapen karjulong chot pen ingsai se;

⁴bonta keduk atum aphan ingsai pameji, lapen keboi atum aphan chedanpipo. Alangli hukum pen rat-atum aphan aduk pipo lapen kehingno abang thinangpo.

⁵Alangli arat-aso aphan ahokpet lapen pangrisar pensi pangripo.

⁶Mahar lapen biresak ingsamjin pen dorap-pet po, lapen bongkrui pen bi-aso atum i-rap-rap po. Chainong-aso lapen hingho-aso chimum seroi po, lapen osomar atumsi latum aphan langpo.

⁷Chainong lapen thokvam atum chorap-rap po, lapen latum asomar atum ingsamjin pen dom-rap-rap po.

⁸Jongsi ruiphe adung mok-kechu a-osomar atum juiseta thangthe detji.

⁹Zaion Arnam Anglong Kangthir athak, hadak pherememe mate kehingno thangnat ta ave detji. Talo lang kedothip ason det adang HEMPHU agian si plengsetji.

¹⁰Det-heihei aphan David asomar recho aren pen arjan keplangji arecho kemi keplangji lapuson arni nangleji. Halatum recho-arongsopi along chingrumpetsi alangliphan man piji.

¹¹Halaso arni nangkele ahut, HEMPHU puthot amethang ajakong pen Assiria lapen Ijip, Pathros, Sudan, Elam, Bebilon, Hamath, lapen talo akung-heihei, talo alanglom-heihei along kedo arat aso aphan ahem chevan thuji.

¹²HEMPHU-si kepratsei Israel lapen Judah arat-aso aphan pirthe konaphli pen pangrumlo pu det-heihei atum aphan kepaklang angthek isi lama rungpangtuiji.

¹³Israel adet ta Judah aphan langselet le lo, lapen Judah adet ta Israel aphan langselet le lo.

¹⁴Chingrumpetsi nijang kedo a-Philistia atum aphan tengkhengpo, lapen nihang kedo arat aso amar thidampo. Latum Edom, lapen Moab arat aphan, haidet po, lapen Ammon aso atum, latum alam kroipo.

¹⁵Suez atalo chetok along HEMPHU pathep det po, lapen Euphratis along sodak atomon vansi pathep po, langjengso throksi dochot po, anke baduta hat pet un po.

¹⁶Kedolang Israel arat aphan Assiria adet angbong isi tovarthepi dopo, la aphusar atum Ijip adet ke-o ahut ason lo.