Read Karbi ISAIAH 15 Bible Online

ISAIAH 15 - Karbi bible

ISAIAH 15

¹Moab aphan birta lahelo. Ar lapen Kir arongsopi ejo angbong pavir det po, lapen Moab adet doklip po.

²Dibon arat atum kardom hem kechiru damjisi anglong arlu po. Nebo lapen Medeba arongsopi aputhak Moab arat atum chiru-chernap po; aningduksi latum aphu lapen angmum-heihei chesoilong po.

³Tovarpi arat atum pe-thoila che-um kreipo; rongsopi aklam along lapen sarnung angsong rat-atum chiru-chernap po.

⁴Heshbon lapen Elealeh arat-atum hangserlo, lapen halatum akehang Jahaz pu kehelo adim anta ase arjulong. Ron-aso atum anta a-ok klemlo; halatum angthin kethe avedet lo.

⁵Moab atum aphan nening donolo! Rat-atum Zoar lapen Eglath Shelishiyah arong anat kat-et lo. Ajehak atum Luhith atovar anat arlusi dambom chiru ponbomlo; ajehak atum Horonaim anat chepachong damsi un an aning-aduk chepilo.

⁶Nimrim aroiso krenghak lo, la akung abap thi-khrai lo, thangnat lirtirte det lo.

⁷Willow Arlok anat rat-atum hatpetsi halatum kedo-an akhi, amar pen kekatji bor-i-lo.

⁸Moab ahoi bithe kechiru ase si arjulong-lo. Eglaim lapen Beerelim arong-heihei alongta arjulong-lo.

⁹Dibon arong aroi alang vi si prung dop lo, lapen hadak kedo arat aphan la an sose kehingno ason Arnam kebipi dolang. Kalang-lo, Moab along kedolang abangphutin vi kebu pen thi-et po.