Read Karbi ISAIAH 18 Bible Online

ISAIAH 18 - Karbi bible

ISAIAH 18

¹Sudan aroi-heihei apar isi adet do, hadak arveng arki arjulong.

²Halaso adet pen pherangke atum arpik pen keselam atelong pen Nil Aroi soding vang-lo. Nangtum hemchedam serak non Pherangke atum! Langroi-heihei pen kethak adet, kangtang lapen kangsak adet anat, ajon keding lapen areng kenai nangrat atum aphan pirthe adang kepherehur atum aphan birta pon pinon.

³Arjutha, pirthe athak kedo abang-phutin! Inglong-heihei athak angthek alama kerung aphan langhurnon! Pong-ut kebut arkile arju hur non!

⁴HEMPHU neliphan pulo, “Kerim kerot apor, ajo phang-ok luk ar-e kemanjoi ason keluk-lak apor arni atur ketur ason sining angsong pen arum nanglangjoi ji.

⁵Drakha athe pangrum re ako, apu kangjui-et ahut lapen drakha athe kemen apor, tarile drakharikang aro kechorlet joike ason Sudan aso aphan hotur atum pavir det po.

⁶Halatum aron-aso kethi arpum-heihei vo, ingnam api atum aphan klangsak po. Barla ahut lahei vo atum chopo, lapen ningkreng ahut pi atumsi chopo.”

⁷Laso langroi kephlakdak adet tang-lo, la kangtang lapen kangsak adet, ajon keding lapen areng kemenei arat, pirthe adang an kepherehur arat pen Jakongkethe HEMPHU dan-heihei kedeng longji apor nangle tang-lo. Latum Jakongkethe HEMPHU aphan karcho adim Zaion Anglong vangji.