Read Karbi ISAIAH 20 Bible Online

ISAIAH 20 - Karbi bible

ISAIAH 20

¹Sargon, Assiria arechokethe, Assiria aron-asong hukumkepi abang, hukumpisi Philistia arongsopi Ashdod tengkheng-lo.

²Ningkan Kethom aphrang Amoz asopo Isaiah aphan akeng-op lapen pe thoila keche-um pen HEMPHU pachephlok toi lo. La kroilo lapen areng angse lapen akeng angse si damlo.

³Ashdod kechepahemphu lang ahut HEMPHU pulo, “Neban Isaiah areng angse ningkan kethom dambomlo. Lahelo, Ijip lapen Sudan aphan isi angthek lo.

⁴Detni pen kenep pontang atum aphan Assiria arechokethe si areng angse padamsi ponpo. Kebi lapen kesar akeng angse lapen areng angse damsi halatum amilumbong klangsak po, lapen Ijip aputhak ketherak vanpo.

⁵Sudan aphan kechiki lapen Ijip pen kechepindak-i atum manghuphrongpo, latum aningkechethe ave det po.

⁶Halaso apor nangkele ahut, Philistia atalo akung kedo atum pupo, ‘Langtha, ephan Assiria arechokethe pen ekeraiji aphan eli kechiki arat atum aphan kosonsi eli kereng un po?’”