Read Karbi ISAIAH 23 Bible Online

ISAIAH 23 - Karbi bible

ISAIAH 23

¹Tair aphan eson abirta lahelo. Chiru chernap non, nang talopi anat kevek atum! Nangrong Tair alongkam pavirtang-lo; la ahem-heihei lapen kelutdam atovar-heihei virtang-lo. Saipras pen nangkechevoi ahut nangtum birta arjulongpo.

²Sidon abepari atum ningri non!

³Nangtum Ijip adet asok kenam-kejor lapen det-heihei atum pen beha keklemjisi monit talo anat toilo.

⁴Sidon Arongsopi, nangmahang jurem tang-lo! Talo lapen karnuk atalopi ta nangphan nang cheraire det lo, lapen pulo, “ Ne osomar ave. Ne pinsomar lapen arlosomar chopathethe pin lang.”

⁵Tair virtang-lo pu nang arju long det aphi Ijip aso ta thirikjok po lapen aning bi po.

⁶Chiru-chernap non, nang Phonisia arat-atum! Spein anat kekatjile bor-i non!

⁷Hako pen kekimtang Tair Arongsopi isi ning-arong plengset arong la plang unji ma? Longle keraijisi talo parai monit ketoi arongsopi kalima?

⁸Komatsi Tair along rechokethe arongsopi thak-thak arechoso atum an pirthe athak aman kedonei arongsopi aputhak kevanji lahei kemang-lo?

⁹Jakongkethe HEMPHU-si la mang-lo. Halatum keklemta anekethe kepajutdetjisi lapen halatum amankedo amonit aphan kepatherak jisi alangli la klemlo.

¹⁰Damra det saitiki non, nang Spein along kedo arat-atum an! Hadak nangtum aphan nangkeraiji abang baduta avelo.

¹¹Talo aputhak HEMPHU ari chephajeng-lo lapen det-heihei hijuk lo. Phonisia atum beha chetok adim kephangnoji aphan alangli hukum pitang-lo.

¹²Sidon arongsopi, nang ning-arong jut tang-lo, lapen nangrat aso kechenek pholo. Latum Saipras anat katseta latum jokje.

¹³(La Bebilon asor, Assiria atum kali, ingnam api Tair paplengset. Bebilon asosi hemchardon-heihei kompet, Tair apaisong an ta phri-et-lo, lapen rongsopi parutekang-lo .)

¹⁴Chiru-chernap non, nang talopi atelong kevek atum! Nang ningkeche-the arongsopi virtang-lo.

¹⁵Ningkan throksi kep Tair aphan ketengnedetji apor nangle tang-lo, inut arecho akai arjon lo. Halatum aningkan jutdet lote Tair ke lun along kedo abeisa pi asonpo:

¹⁶Nang kumbeleng chepon ra rong soding damnon, nangkeduk, ketengnebub abeisapi! Rot ra nanglun chelun thutha puthot pinso kepavangthuji aphan.

¹⁷Ningkan throksi kep par lote Tair aphrang abeha HEMPHU pacheklemthupo, lapen bangpi amethangsi pirthe adang pen bepar klempo.

¹⁸Beha pen bangpi kelong atangka HEMPHU aphan hodai det po. Bangpi hijikje lo, bonta HEMPHU aphan karcho arat atum kenangji a-an ape-ari kenangji aphan rimpo.