Read Karbi ISAIAH 25 Bible Online

ISAIAH 25 - Karbi bible

ISAIAH 25

¹HEMPHU nang ne Arnam; Ne nangmanji lapen nangmen roji. Nang manghuhak akam-heihei klemlo; nang aphrang pen kemangtang akam kroithirklong pen klemlo.

²Rongsopi-heihei nang parulo lapen halahei apaisong pavirlo. Netum ahotur kekimtang arechohem kaike aphan damtang-lo.

³Jakongkethe adet arat nangphan roji; Kesok-ui adet arongsopi-heihei along nangphan phereji.

⁴Keduk lapen keboi atum nangnat kat lo lapen kesung ahut jok long-lo. Halatum aphan nang tomonpi pen railo lapen arni keso pen abin nang pasang-lo. Kesok-ui amonit atum kangsam ahut atomon asonsi teng-kheng-lo.

⁵Kekrengtai ajo akhim ason. Bonta nang, HEMPHU, nehotur aphan pangsamrilo; Kesok-ui amonit akehang nang pangsamri lo, arni keso ahut inghun kebin kepangsam ason.

⁶Ladak Zaion Anglong athak Jakongkethe HEMPHU pirthe adang adet do-an keplangnei a-an lapen kemenei ahor kechopi amei pathik lo.

⁷Ladak det kedo-an aputhak kejangling ningke-oi anghun alangli sai po.

⁸Muluk a-HEMPHU si kethi kaike pavirpo! Alanglisi abangphutin amekkri venpo lapen pirthe adang arat-aso atum kelangrem akesung alangli pondet po. HEMPHU amethangsi ningje lo.

⁹La plang lote, abangphutin ta ningje hur po, “Alangli netum a-Arnam lo! Alangliphansi netum chiki lo lapen alangli netum aphan pajok tang lo. Alangli helo HEMPHU lo! Netum alang-liphansi chiki lo, lapen non netum rengme lapen ning-arong, pima alangli netum aphan pajok lo.”

¹⁰Zaion Anglong aphan HEMPHU raipo, bonta Moab arat aphan dongrop-po, ho-or ajo sok-anar kedong ason.

¹¹Latum kevekji asonsi ari chephajeng ji, bonta latum aphan Arnam patherak po, lapen latum ari kerap longle pin pen inglim ji.

¹²Alangli Moab akut lapen latum apaisong kangtui pavirsi latum aphan longle aduk ajo palut po.