Read Karbi ISAIAH 31 Bible Online

ISAIAH 31 - Karbi bible

ISAIAH 31

¹Ijip adet kerap kelongji aphan kedam atum kevirlo! Halatum Ijip adet ke-ongdung aron-aso ajakong, losei-heihei, ronhemkonglong-heihei, lapen aron-aso atum aphansi chikilo. Bonta latum Israel a-Arnam Kangthir, HEMPHU aphan chikike, mate alangli pen kerap chohanghe.

²Alangli kopisi klemloma alangli chini! Alangli kephangnoji aphan toilo. Kehingno abangphan lapen latum aphan kroidun aphan aduk kepiji kepacheretoi alam alangli klempo.

³Ijip atum arnam kali-latum monit aso chot. Halatum alosei-heihei manghumeme akam klemthekthe. HEMPHU klemlo pulote, kangtangrak adet ta tekuk ji, lapen la kerap kelong ke-aini adet ta krepji. Latum hini ta virdetji.

⁴Neliphan HEMPHU pulo, “Kevi atum ko-an hang charbu seta pi kenep-long ahingho aphan paphere un-e; lason thak-thaksi, Zaion Anglong keraiji pen, Ne Jakongkethe HEMPHU aphan baduta khang un-e.

⁵Aso keraijisi vo atum atar angden kangjar patelang asonsi, Ne Jakongkethe HEMPHU-si Jerusalem raiji lapen la aphan chedanpiji.”

⁶HEMPHU pulo, “Israel arat-atum, nangtum nephan langplotsi pap klemlo, lapen nebethurlo. Bonta non, nelong vangnon!

⁷Pap keplengset rup lapen ser pen nangtum keselam akumlin-heihei kevar etji apor nangle tang-lo.

⁸Ron along Assiria aphan pavir det po, bonta monit ajakong pen kali. Ron kechedan adim pen Assiria-aso atum be-phlungji, lapen halatum arisomar atum aphan ban pinchong et po.

⁹Kephere pen halatum arechokethe ta kat po, lapen ron-a-saihemphu atum la an pherepo, latum ron-alama otekang et po.” HEMPHU pulo- Jerusalem along karcho a-HEMPHU lapen la karkli athak me-heihei cholo.