Read Karbi ISAIAH 32 Bible Online

ISAIAH 32 - Karbi bible

ISAIAH 32

¹Arnisi alam pen akam kepangriji arecho lapen ahok-akangsai pen det kejalin atum doji.

²Latum abangphutin ta tomon pen chepachong lapen tomonpi-heihei pen kechepachong adim ason plangpo. Latum kejejangtang ajo keli aroiso-heihei ason lapen, aho-or kave alongle ajo thepai abin nangnak.

³Halatum amek lapen ano-heihei rat-atum akenang aphan lang lapen chedenpo.

⁴Latum aning kaita sedengdelo, bonta latum kechini pen klempo lapen kopima kematha la ningje po.

⁵Baduta kelu abang aman do mate ajat kelangno abang athikpet pupe lo.

⁶Kelu abang kelu alam ningje lapen kehingno akam keklemji matha. La keklem an lapen keningje an ta HEMPHU aphansi pinremlo, lapen la kangchir atum aphan an pipe mate kangit abangphan kepajunji thangta pipe.

⁷Inut kejok-lu abang ke kehingno abang-lo, lapen kehingno akam-heihei si klem; la keduk atum aphan kechobei pen kepavirji aninghang lapen halatum kelongji ajakong an khang-lo.

⁸Bonta, inut man kedo abang ahokpet si klem lapen ahok alam aputhak arjapthip.

⁹Nang kedo cheparengme a-arloso, kesung matha nangnepin abang, ne kopima keningje arjutha.

¹⁰Non nang rengmesen tahai, bonta moning nonpu apor nang sungpikji pima nang kepangrumji adrakha athe ave detji.

¹¹Nang kerengmesi dolong bomlang, kesung mathanangne pin, bonta non, kepherejile nang-ok klemhur non! Nangpe ri chephlok et non lapen nangvam pethoila pen chekok non.

¹²Ningduk pen nang ning cheteng non, pima aho-or kedo ahidi-heihei lapen drakha aberi-heihei pavirtang-lo,

¹³bapsudo, lapen ingsu-heihei nerat alongle ajo chantang-lo. Ning-arong pen kedo arat ahem-heihei lapen rengdok-rengni pen kedo arongsopi atum chiru non.

¹⁴Athema rechohem ta obub po, lapen det arongsopi kethe jokta o-et po. Hem-heihei lapen keton akut-heihei kaike aphan pavir det po. Hadak nampi agadha si jui po, lapen hadak biresak atum kechopan adim longpo.

¹⁵Bonta Arnam puthot enat ephong alangli akarjong nangtoiji. Kekrengtai ajo aho-or doji, lapen hidi-heihei sok athe mepik ji.

¹⁶Det bithe ta dhoromi lapen ahok-akangsai pen klempo.

¹⁷Pima abangphutin ta kopima ahok klempo, hadak kaiketa ningkangsam lapen kejokvan dopo.

¹⁸Arnam arat atum keningri pen jokpo, lapen halatum ahem-heihei ningkangsam plengsetsi jokvan po.

¹⁹(Bonta nampi herai kloji lapen rongsopi ingsekdak po.)

²⁰Sok aphan dorphlup alang kelong apot abangphutin ko-an aning arongji lapen gadha chainong-heihei aphan bithe ta kechopan jokvan adim longji.