Read Karbi ISAIAH 39 Bible Online

ISAIAH 39 - Karbi bible

ISAIAH 39

¹Lason apor ahut Bebilon arecho Merodak Baladan, Baladan asopo, Hezekiah recho aphu so det pu arjulongsi, Kido epak lapen dan alangliphan nang-lo lo.

²Hezekiah ta pherangke atum aphan deng-lo lapen alangli khi halatum aphan alangli rup lapen ser, alangli mosala-heihei lapen jangthu nempru-heihei, lapen alangli ron kechedan arisim do-an paklang et lo. Halatum aphan alangli puru-heihei mate det adang kepaklangkle lason ave lo.

³Anke Isaiah montri ta Hezekiah recho along damsi arjulo, “Lahei amonit konat pensi kevang-lo lapen latum nangliphan kopisi pulo?” Hezekiah thak lo, “Latum ha kehelo Bebilon adet pensi kevang.”

⁴Rechohem arlo latum kopipisi kethek long-lo? Latum kadokaveta thek long-et lo. Puru-heihei along latum kethek longle ason thangnat ta avelo.

⁵Recho aphan Isaiah pulo, “Jakong-kethe HEMPHU pulo,

⁶nanghem, nangphusar atum nonpu an kebirti ason Bebilon adet kepon detji lason arni vangbomlo. Thangnat ta tekangke det po.

⁷Ajehak nangso-nangsu aphan ta pondet ji lapen kepalangki atum Bebilon arecho aphan pangduk po.”

⁸Akai angbong ningkangsam lapen kejokvan doji pu Hezekiah recho chini lo, lasi alangli thak lo, “Nang nephan HEMPHU pen kevan abirta ke mesen lo.”