Read Karbi ISAIAH 4 Bible Online

ISAIAH 4 - Karbi bible

ISAIAH 4

¹Halaso apor kevang ahut, bang-throksi a-arloso bam hetsi pupo, “Netum methang si an lapen pe-ri chori ponthek, bonta nang netum apenan lo pu nepapu longtha, anke netum penan kedo longle aketherak chechak jok phlot po.”

²Det adang arongtin athengno arongsopi lapen arongpi HEMPHU pathe-oji lapen palangme-o ji apor nangle tang-lo. Israel adet kerenglang arat-atum saiketiki alongle athe longsi aning cheparongpo lapen chepin-dak-i po.

³Keparengji pu Arnam kangvaitang Jerusalem along kedo ahin arat aphan ingthir-et pusi hangpo.

⁴Ajakong pen HEMPHU ingsaipo lapen det pangthirsi Jerusalem Zaion Anglong along hadak kechingrum an aphuthak anerlo HEMPHU-si inghun lapen mehi pen keturdang amede ajo nangtoipo. Rongsopi aphan Arnam adak atur pen dip po lapen raipo.

⁵Anke Zaion Anglong aputhak lapen hadak kechingrum atum an aputhak, HEMPHU laso aputhak anerlo inghun nangtoipo, lapen ajo ke mehi lapen me ade ketur-ang nangtoipo. Rongsopi aputhak Arnam adak-atur si dipthip-po.

⁶Alangli adak-atur si rongsopi aputhak anerlo arni keso pen binpo lapen isi kejokvan, lapen arve, tomon pen kechepachong adim plangpo.