Read Karbi ISAIAH 46 Bible Online

ISAIAH 46 - Karbi bible

ISAIAH 46

¹“Bebilon a-arnam-heihei aphan akejut la helo! Ephong Bel lapen Nebo karcho adim lo, bonta non lahei gadha athaksi arthang-lo, ke-ainihak api anung anghor plang-lo.

²Keroi amar amethang chepajok thekthe; latum aphan nepchek lapen pon det lo. Bebilon a-arnam-heihei aphan akejut la helo!”

³“Jakob asomar, ne arju pet tha, ke-otang nerat ahin an. Nangtum mahang kethek arni lana bomlo.

⁴Ne nang Arnam lapen nang kesar nangchu lok-ru an nanglanaji. Ne nangphan nang pinchong-lo lapen nanglanaji; ne nangphan nangrapji lapen nangpajokji.”

⁵“Komat pensi nangtum nephan pangbarji? HEMPHU pulo. ‘Nesonthot mane kaprek dolangma?

⁶Rat-atum poisa athia chingpusi ser holo; latum thuli-heihei along rup lin lo. Latum ser pachorbang ser pachorjisi rong-lo; anke latum angphun chingdisi la archolo!

⁷Latum aphang athak che-arthangsi ponlo; latum adim bilo, lapen la hadak arjapdong lo, la kedo adim pen cheterek thekthe. Mane jongsi la aphan ardom lote, la thak-thekthe mate kesung pen laphan pajok thekthe.’ ”

⁸“Nang papi atum, la chemathatha; ne kopi klemtang-loma chini non.

⁹Aphrang kopi plang-loma chemathatha; nesi Arnamchot pura chini non, lapen nesonthot anut kaprek nahokta avelo.

¹⁰Ha kecheng pen kopi plangjima ne than-mek-et lo; kopisi plangjima hako penta ne thanmek-et lo. Ne pulo, ne kemang akam lotkhotkhe, nening kehang asontin akam ne klemlo.

¹¹Nihang anat pen inut amonit aphan hang-lo; vomu asonsi la nep ingjar pondet po lapen ne kemang akam paplangpo. Ne ningje tang-lo, lapen la klempo.

¹²‘No chedentha, nang ningkangtang arat-atum kehai ke heloving lang pu kematha atum.

¹³Kehai arni ne kevangji tebok-het lo la helole lo. Ne kehai paderdelo. Ne Jerusalem aphan pajokpo lapen hadak Israel aphan aman vanpo.’ ”