Read Karbi ISAIAH 47 Bible Online

ISAIAH 47 - Karbi bible

ISAIAH 47

¹HEMPHU pulo, “Bebilon nang recho anghoi pen nangsun non, lapen longle athak aduk ajo chongni non, ehut isi ke nang nimsopi inut asonlo, isi kehai un-e pin arongsopi, bonta nang ingduk-o lapen langmemepin! Non nang inut abanpi lo!

²Kekoi arlong parting non! Him koi non! Chekurki ape che-oi non lapen pe keme-heihei che-oi non! Langjeng -heihei kehatjile nangpini chelum non!

³Rat-atum nang reng-angse thek longpo; halatum nangphan kelangremtang lapen ketherak nang thek longpo. Ne alar huipo lapen baduta nephan nangkhang un-e lo.”

⁴Israel a-Arnam Kangthirsi etum aphan pajok-lo alangli men ke Jakongkethe HEMPHU.

⁵Bebilon aphan HEMPHU pulo, “Kangsamri lapen kangting ajo le ingni non; baduta nangphan det-heihei arechopi pu nanghanghe lo!

⁶Nerat-aso aphan ne ningthilo; nemethang kali asonsi ne latum aphan lang-lo; Ne latum aphan nanglirideng hodailo, lapen latum aphan nang thangnat akangjinso paklangkle det lo; arlengkesar atum aphan anta nang chenek-ot lo.

⁷Nang kaiketa rechopi chelongver po pu mathalo, lapen lahei kosonsi kejut det poma nangning chebibe.

⁸‘La arjutha, nang kerengme keri atum, nang jok lo lapen jokvan pu kechematha atum Arnam ason nang the-o pu kechepu atum nangson baduta avelo pu kechethek atum. Nang mathalo, nang kaita pahememedet po pu, mate nangsomar chepangbobe det po.

⁹Bonta malomso amat, arni isi angbong, lahei sonni ta plangji. Kedo-an amekbin nang klem seta, nang penan lapen nang somar chepangbo det po.’

¹⁰‘Nang kehingno akam chechini pamelo; baduta nangphan nangthekdunde pusi nang chematha lo. Nang bidi lapen giansi nangphan pasui lo, lapen nang nangmethang chepulo, “Ne Arnamlo, neson baduta avelo.’ ”

¹¹Nangputhak kevir vangpo, lapen laphan nangmekbin khang un-e detji. Nangputhak men-men keru vangpo- nangkaita kehemanme pin akeru!

¹²Nang mekbin kedo-an ningje non, pasimu non; nang bihek pen lahei rimbom lo. Lahei angbong ajehak akerap nangphan van tahai; nanghotur aphan ther unji mene.

¹³Nangphan keparedun dolo seta nang jakong ave. Nang chiklolongso kelakha thek atum pavang-ra nangphan pajoknang chiklolongso-heihei kelang atum, lapen nangphuthak kopi plangjima achiklo ajontin nangkethan atum pavangnang.

¹⁴Latum sok-anar ason thak-thak, me vangsi lahei me chopo; Lahei atum amethang aphan anta chepajok thekthe mede latum aphan so-ongchot. Lake halatum kechinghipji ame kali.

¹⁵La ansi latum akeme klem thek chotji lahei chiklolongso kelang atum aphan nangkai arjon kechelang. Latum kedo-an nangphan osi amethang atovar chedam po, lapen nang kepajokji baduta dode det po.”