Read Karbi ISAIAH 48 Bible Online

ISAIAH 48 - Karbi bible

ISAIAH 48

¹Israel arat atum nelam arjutha nang Judah aso pen kevang atum: Nangtum HEMPHU amen pen semetang-lo lapen Israel a-Arnam aphan archolo pu chepulo, bonta nangtum lason aphan etheta ningjeje.

²Seta nang rongsopi kangthir asorlo pu lapen nang Israel a-Arnam aphan chiki alanglimen ke Jakongkethe HEMPHU pu chepindak pen ningjelo.

³Israel aphan HEMPHU pulo, “Hako ahut penta kopi plang poma ne than mek-et lo; anke ne men-men la paplang-lo.

⁴Ne chini nang chingkinodak pu chepaklang-lo, ingchin ason kangtang lapen tam ason kechehodai ingtungte.

⁵Lasi nangkai mo aphi keplangji ne than mek-et lo, lahei plangple ako ne pachethangset lo, kumlin lapen arjan-heihei si la paplang-lo pu, nang kepupe detji aphan.

⁶‘Ne keputang alam an non plangtang-lo; ne kepumek alam chekok-et lo pu nang puvek nangji. Non kopi pi plangjilangma nangphan ajehak nangthanlang. Ne aphrang kepaklangkle alam anta,

⁷Nonsi lahei paplang-lo; lason aphrang plangple pinlang. Jongsi la dotang-lo, pulote nang lahei kedo-an chini et pu chepuji.

⁸Ne chini nangphan chiki no, nangphan kaiketa kethurkrap bom abang pu chinipet. La apotsi nang arjulongle, kopisi la ethebak ta nangno arjulongledet lo.’ ”

⁹“Pima monit atum nemen aphan ropo, ne neningkethi chekhang lo; ne la nening chebikok-lo, lapen nangphan pavirlo.

¹⁰Kesung aphrang arlo ne nangphan sat papho lo, rup le pherang arlo kepherang ason. Bonta nang amovangve-o pu ne long-lo.

¹¹Ne kopima keklem la nemethang aphan, Nemen pajuno longle mate nenong anut kaprek atum pachehemphu dun longle; la Ne lapen Ne chotji.”

¹²HEMPHU pulo, “Nelam arjutha, ne kehangtang Israel arat-atum! Ne Arnamlo, Kecheng lapen Kejut, inutpet a-Arnam!

¹³Pirthe aputah-heihei neri pen pinchong-lo lapen sining-heihei sangjai lo. Pirthe lapen sining inghun ne hang lote, latum vangseraksi nangdolo.

¹⁴‘Chepangrum ra arjutha, nangtum kedo-an! Ne kangvaitang amonit si Bebilon tengkheng po pu badu a-arnam atum ta than-mek thekthe; ne ningkehang kepaklemtoi aling la klempo.

¹⁵Nesi keningje abang lapen laphan kehang abang; Nesi laphan pabarlo, lapen pahailo.’ ”

¹⁶“Non nedung vangnon, lapen ne kopisi keningje ma arju non. Kecheng penta ne patutepin pen ningjedak lo, lapen nelam pachekok lo.” (Non nephan Muluk a-HEMPHU-si nephan alangli jakong nepilo lapen netoilo.)

¹⁷Israel a-Arnam Kangthir, nangtum aphan kepajok abang HEMPHU pulo, “Ne helo nang Arnam HEMPHU, nangtum akeme aphan nang kethanji aning hang-lo, lapen nangkedam nangji atovar nangkethan ji abang-lo.

¹⁸‘Nangtum jongsi nehukum kekroichot abang-lo pulote! Kethepthe alangjeng kelivoi asonsi nangtum aphan ahirjume nangliji apot-lo! Talo akung lang adihu kevang asonsi nangtum aputhak kehai vangji apot-lo.

¹⁹Sangti amu asonsi nangsomar chanjaipo, lapen ne nang pachini pamelo latum virvelo.’

²⁰Bebilon pen bar-ra, damchepajok non! Kechehok abirta hangser non; alongtin la pachethang non! ‘HEMPHU-si aban Israel aphan pajok lo!’

²¹Arat-aso aphan kekrengtai asangti keso ajo HEMPHU kejapon ahut, latum kangit pen ajok sung pho nangne det lo. Latum aphan alangli arlong pen lang pavang-lo; alangli arlong panghangsi lang pabar lo.

²²‘Papi atum aphan nahokta kejokvan ave pusi HEMPHU pulo.’ ”