Read Karbi ISAIAH 52 Bible Online

ISAIAH 52 - Karbi bible

ISAIAH 52

¹Jerusalem chepangtangra, chepathethunon! Kangthir Arnam arongsopi ahir-asang pen chepindengnon! Kekroikrelang atum nang-inghap-heihei kai seta nanglut-le detji.

²Nang aduk chehonon, Jerusalem! Longle aduk pen thurra nang inghoi chongninon! Zaion ban arat an, nangphan nangkerak-het akam klemrinon!

³Muluk a-HEMPHU si arat aphan pulo, “Nangtum ban keplang un ahut, thangnat anam longle, lasonthotsi nangtum aphan kepajokji aphan thangnat anam en-elo.

⁴Nangtum Ijip adet bidet aso ason kedodam un ahut, nangtum nangningkehang akam aling klemlo: Tebonta jakong pen Asiria atum nangtum aphan nangpondet-lo, lapen thangnat anam nangpipedet-lo.

⁵Lapen non Bebilon along seta isinat si plang-lo: Nangtum ban lo, lapen nangtum thangnat anam longledet-lo. Nangtum aphuthak kepangri abang chepindak-lo, lapen hangprak-lo, lapen nepinrem bomlang,

⁶ahut nangle lote, Ne Arnam lapen nangphan nangkethan abang-lo pu chiniji.”

⁷La ko-an manghumeme inglong-heihei adak pen pherangke aphan kethek-long birta-keme, ningkangsam abirta kevan! Kehai abirta la pachethang-lo, lapen Zaion aphan pulo, “Nang Arnam ke Recho,”

⁸rongsopi keton atum hang-lo, aning arong pen hangrappet-lo, latum amek-hini pen thek-long, Zaion anat HEMPHU nang kechevoithu!

⁹Ning arong hangpraknon, nang keru a-Jerusalem an! Arongsopi aphan HEMPHU pajokpo, lapen arat aphan aningpangsampo.

¹⁰HEMPHU alangli kangthir ajakong chesekepo, lapen alangli arat aphan pajokpo, lapen pirthe adang an, la thek-phrongpo.

¹¹Nangtum Bebilon o-pamenon! Nang Kardomhem amar ke-ot atum an! Ke-ot nangne amar ot-ri , nangtum ingthir-et-ra o-non.

¹²Non aphong nangtum otong nangne: Nang kat bor-i nangnedetpo. HEMPHU nang Arnamsi nangjapo, lapen ahintin pen nangraipo.

¹³HEMPHU pulo, “Ne ban akam keklem chunji, alangliphan aman kepi pangtuipikji.

¹⁴Alangliphan kethek-long pen ongdung arat atum thirikji, alangli lapu-an arje prekjekji monit pu tinte-remji.

¹⁵Bonta alangliphan non ongdung adet atum manghuphrongpo, lapen mong-loisi recho atum an alamthe jutkokpo. Latum kechininepin ason ajehak latum thek-longpo, lapen chinipo.”