Read Karbi ISAIAH 56 Bible Online

ISAIAH 56 - Karbi bible

ISAIAH 56

¹Arat aso aphan HEMPHU pulo, “Kopima ahokpet lapen akechokpet la klemnon, pima nangtum aphan ne nangpajok dapprang po.

²Kesang arni kaita kekroi atum aphan lapen la kepangthir atum aphan ne pahirjumeji. Kehingno akam keklemkle atum aphan ne pahirjumeji.”

³Inut bidet amonit HEMPHU arat along kechelangdun abang “HEMPHU ke arat-atum parcholongle det” pu papulongle det nangji. Inut palengki abang, asomar avedet apot Arnam arat angkang kedo abang kali pu pamatha longle det nangji.

⁴Lason amonit aphan HEMPHU pulo, “Nangjongsi kesang arni kekroi pen ajok nephan man nepilote lapen nening kedok ason klemlote lapen kekroithirklong pen kechejok aloh ateng klemlote,

⁵Ne Kardomhemthepi along ne nangchemathaji lapen nangtum osomar kedo atum angbong apar chematha ajir padingji. Nangphan kaita nangtengnene detji.”

⁶Bidet-aso Arnam arat angbong kedo atum aphan kechinghon lapen kangduk atum lapen kekroithirklong pen kesang arni lapen kechejok aloh kekroi atum aphan HEMPHU pulo,

⁷“Ne nangtum aphan ne inglong Kangthir Zaion, nangvanpo, Ne Kardom ahem arlo ning-arong nangpiji, lapen nedovan athak kepi athok-heihei ne dengpo. Ne Kardomhemthepi aphan kedo-an akhei atum kardom ahem pusi irpo.”

⁸Muluk a-HEMPHU, arat-aso aphan ban pen hem kevan abang akaprek arat latum pen pajalangjisi alangli vanji pu chechak lo.

⁹HEMPHU pulo, bidet akhei atum ingnam api ason vangsi arat aphan chodetpo.

¹⁰Alangli pulo, “Kedo-an ajalin atum, nerat aphan kepachere nangji atum an amek kave atumlo! Latum thangta chinine. Latum kang-uk-e kehon-amethan latum i-chot lapen mang-heman chot. Latum ko-an amek-kejang kehung!”

¹¹Latum kepaselur-tur amethan atum ason, kaita dorde. Lahei akeja atum thang akechini ave. Abangphutin aningkedok alingsi keklem lapen amethang ale aphansi ri chot.

¹²“Etum ajehak hor junlang” lahei kangri atum pulo, “Etum un an jun lonang! Penap ke pini ansose memuchotji!”