Read Karbi ISAIAH 61 Bible Online

ISAIAH 61 - Karbi bible

ISAIAH 61

¹Muluk a-HEMPHU alangli karjong nepaplengset lo. Keduk aphan birta keme kevanjisi lapen Ningkangjir kepamejisi, Ban kelo pachethangjisi lapen kebeng amonit aphan kephlokjisi Alangli nephan ingvailo lapen netoilo.

²Arat aphan HEMPHU kepajok lapen halatum ahotur aphan keparem apor nangle tang-lo pu alam pachethangjisi alangli netoitang-lo. Ningduk-ninglak an aphan ning kepangsamjisi alangli netoilo.

³Zaion along keningri atum aphan ningduk alar kero alun kepiji aphanlo. Latum HEMPHU amethang ke-e athengpi arong ason plangpo. Kopima akechok latum klempo, lapen Arnam keklemtang apot alangliphan ropetji.

⁴Ajirdingklui pen kerutang arongsopi-heihei latum kimthupo.

⁵Nerat-atum, bidet-asor nangtum aphan ingduk po. Latum nang pi-ahur vi po, lapen nanghidi sai nangtiki pipo lapen nangdrakha aberi kolom nangpi pipo.

⁶Anke nangtum aphan HEMPHU akurusar atum lapen Arnam aban atum lo pu chini hur po. det-heihei akhi nangtum cholongpo lapen la nangmarlo pu chepindak longpo.

⁷Nangtum ketherak lapen kepinrem an jut det po. Nangtum nangmethang alongle along chedolongpo, lapen nangtum akhi phanni dopo, nangtum aning-arong doverpo.

⁸HEMPHU pulo, “Ahok-akangsai nening dok-lo, lapen kechenek lapen kepathi ne hijim lo. Nerat-aso aphan kekroithirklong pen, nong-e piji lapen halatum pen ne kaike aphan kechejok aloh pathik po.

⁹Det-heihei angbong latum anong chethangpo. Latum aphan kethek-long an amonit atum Ne-si hirjume kepi arat-lo, pu abangphutin ta chini pet po.”

¹⁰HEMPHU klemtang-lo apot, Jerusalem chehok non. Bangpi ke kechepangriji pu pe kechingthang a-arloso asonlo. Arnamsi bangpi aphan kejok lapen kehai pangchoilo.

¹¹Chili amek vangsi chingjokvek ason Muluk a-HEMPHU arat aphan pajok po, lapen det kedo-an alangliphan ropetji.