Read Karbi ISAIAH 62 Bible Online

ISAIAH 62 - Karbi bible

ISAIAH 62

¹Jerusalem aphan ningkeparung-jisi ne ningje po; Bangpi jokje tik ne dojoije; lapen bangpi akehai ajo methengtom ketur asonsi turpo.

²Jerusalem, det-heihei nang kehai thek longpo! Halatum arecho-kedo an nangdak nangtur thek longpo. Nangphan nangmen kemi hangpo, HEMPHU amethang nangkepi amen.

³HEMPHU aphan nang isi kelangme recho aphutup ason plangpo.

⁴“Otang-lo” pu nangphan hanghelo, mate “Ketitang a-arloso” pu nanglongle aphan hanghelo. Nangmen kemi ke “Bangpi aphan Arnam aning dok lo” pupo. Nanglongle aphan “Ning-arong pen pangritang-lo” pu hangpo. Pima HEMPHU nangphan aning dok lo lapen nangdet nangpenan ason plangpo.

⁵Risole inut okarjang pen chepangri ason, Nangphan kepinchong abang nang-enpo. Piso-ke-en abang apiso aphan aning-kechedok asonsi Arnam nangphan aning nangdok po.

⁶Nangpaisong-heihei, Jerusalem, ne keton abang bilo; Ajo-anerlo latum dojoije lo. Latum HEMPHU aphan, alangli kechechak ason pachemathavekpo, lapen lahei alangli patengne longle detpo.

⁷Jerusalem aphan alangli pami-thuthetik padolongjoije det nangji laso arongsopi isi pirthe adang kerosi pinchongnangji.

⁸HEMPHU eson chechak pamelo, alangli jakong pen la klem pachun po: “Nangsok nanghotur a-an kaita plangple det po, Bidet-aso atum nangdrakha ahorlang kaita junje det po.

⁹Bonta nang ke-e abang lapen kerot abangsi him cholongpo lapen HEMPHU aphan ropo. Nangsi kolompilo lapen drakha pangrumlo. Ne Kardomhemthepo arlo angdeng nangsi junpo.”

¹⁰Jerusalem arat, rongsopi angtan bar non kevangji nangrat-aso aphan tovar buipi non! Tovarpi soi pinon, arlong-heihei terek pinon! Isi angthek som non, anke det-heihei atum chinipo.

¹¹HEMPHU pirthe adang aphan pachethang-lo, Jerusalem arat aphan than non, HEMPHU kepajokjisi vang-lo, alangli kepajoktang arat aphan alangli chevanlo.

¹²Nangtum aphan “Arnam Arat Kangthir” pu thanpo, “HEMPHU kepajoktang arat”; Jerusalem aphan, “Arnam Kechinghon Arongsopi”, “Arnam ke-o-e Arongsopi” pusi hangpo.