Read Karbi LEVI 12 Bible Online

LEVI 12 - Karbi bible

LEVI 12

¹Moses aphan HEMPHU lahei aron

²Israel arat aphan kepathan jisi pilo. Arloso jongsi sopinso inut mahang pathek-lo pulote ni throksi an aron atengpen labangpi ingthirthelo, la ke bangpi achiklo kechok marata arni asonpo.

³Nerkep arni, oso achelek areng rotchetpo.

⁴Anke bangpi avi kedam pen aron atengpen chepangthir nangji arni an ni thomkep-ra kethom an donangpo; bangpi jat kangthir asonta ot-edetnangji, mate kangthir a-Pehem arlo alangli aron atengpen chepangthir apor jutjetik an lutnangnelo.

⁵Arloso atum arloso a-oso mahangpathekdet pen nikrephli an bangpi aron atengpen ingthirthelang, la ke bangpi achiklo kechok marata arni ahut asonpo. Ansi avi kedam pen nithrok-kep-ra throk arni ansi bangpi aron atengpen ingthirpo.

⁶Bangpi kechepangthir apor nangjut lote, sopinso mate so arlo aphan setame, bangpi HEMPHU kedo a-Pehem ajakan along kurusar along kephrin athok aphan ningkan isi abiresak aloso ejon lapen pap athok aphan vothung mate thungpharlo ejon van nangji.

⁷Kurusar abang bangpi athok HEMPHU aphan pajirpo lapen bangpi kangthirthe an pakak-etjisi aron atang klempo, lapen bangpi aron atang ateng pen ingthir-etpo. Lasonsi abangphutin a-arloso atum oso mahangpathek det aphi keklemvek nangji akamlo.

⁸Jongsi inut abangpi biresak aloso ejon pi un-e pulote, bangpi vothung jonni kalite thungpharlo jonni vanpo, ejon abang ke kephrin athok aphanlo lapen ajon kaprek abang ke pap athok aphanlo, lapen kurusar abang bangpi kangthirthe an kepakakjisi aron atang an klempo, lapen bangpi aron atengpen ingthir-etpo.