Read Karbi JEREMIAH 35 Bible Online

JEREMIAH 35 - Karbi bible

JEREMIAH 35

¹Josiah asopo Jehoiakim, Judah arecho kecho ahut, neliphan HEMPHU pulo.

²“Rechab asor abangphu atum along damra latum aphan thannon. Latum aphan kar-domhemthepi ingdeng isibak arlo vanra latum aphan horpinon.”

³Lasi Rechab aro abangphu an aphan Ne hang-lo Jaananih (La anut kaprek a-Jeremiah asopo, la apo Hazzeniah) lapen alangli korte kedo-an lapen aso-asu an.

⁴Lapen kardomhemthepi arlo halatum aphan vanlo. Igdaliah asopo. Hanan montri asangho atum angdeng atum aphan Ne arlo pondet-lo. Laso angdeng ke Shallum asopo Maaseiah, la inut kardomhemthepi along kethedung amonit, angdeng thak-lo, lapen akaprek ban atum angdeng-heihei adung-lo.

⁵Anke Ne harlung-heihei ronlo lapen bongkati isithup aharlung-heihei Rechab aso angno hor inglelo lapen halatum aphan neli pulo, asap-o ahor juntha.

⁶Bonta latum thak-lo, “netum hor junje. Rechab asopo netum aphusar Jonadab netum aphan nepulo, netum lapen nesomar atum anta hor jun nangne.

⁷Hem keme kim nangne mate kimlongle, hidi en nangne lapen drakha aberi khangnangne mate lahei namdun nangne pusi alangli nethanlo. Pehem arlo kedoji aphansi alangli hukum nepilo, anke laso adet netum bang amonit atum asonsi dolongverpo.

⁸Jonadab netum aphan kepinkhat alam an netum kroipet-lo. Netum nemethangta hor junje lapen netum apiso atum, netum asomar atum anta hor junje.

⁹Hem kedopameji aphan netum hem kim ke, netum pehem-heihei alongsi kedo, netum drakha aberi, hidi-heihei, lapen sok-heihei chepahemphuphe.

¹⁰Netum aphusar Jonadab netum aphan nangkepitang ahukum an netum kroi pamelo.

¹¹Bonta Nebukadnezzar recho det ketengkheng ahut, Bebilon lapen Siria aron armu pen kejokjisi netum Jerusalem kevangji aphan chesik-lo. La apotsi netum Jerusalem along donang-lo.”

¹²Anke Jakongkethe HEMPHU, Israel a-Arnam, Judah lapen Jerusalem arat aphan kepathan damjisi nepulo, “Ne, HEMPHU nangtum aphan nang arjulo,

¹³kopi athesi nelam arjumoloma lapen Ne kepinkhat-heihei kroimoloma?

¹⁴Jonadab asomar atum alangli hukum hor junri pu alam kroilo, lapen pini arni anta latum angbong inutta junjelang. Bonta Ne nangtum aphan nangthanbomlo, lapen nangtum nelam kroikre.

¹⁵Nangtum along neban montri atum nangtoilo, lapen latum nangtum aphan kehingno atovar che-onon lapen akechok akamle klemnon pu nangputang-lo. Nangtum akaprek arnam-heihei aphan archori lapen ingduk- ri pu nangpacheretoilo, anke nangphusar atum aphan Ne nangkepi alongle along nangtum dolongpo. Bonta nangtum nelam kroikre mate nephan no chedende.

¹⁶Jonadab asomar atum ke halatum aphusar atum kepi ahukum kroilo, bonta nang rat atum Nephan kroikrelo.

¹⁷La apotsi, non, Ne Jakongkethe HEMPHU, Israel a-Arnam, nang Judah lapen Jerusalem arat aphuthak Ne keputang akevir an vangpo. La Ne klemji pima Ne nangkethan ahut nangtum Ne arjuje lapen Ne nangkehang ahut nangtum nethakthe.”

¹⁸Anke Jakongkethe HEMPHU kepulo pu Rechab asomar aphan ne thanlo, “nangphusar Jonadab nangtum aphan nangkepi ahukum nangtum kroi pamelo; lapen alangli kepinkhat alam an klemlo, lapen alangli hukum nangkepi an nangtum klemlo.

¹⁹La apotsi Ne, Jakongkethe HEMPHU, Israel a-Arnam, chechak-lo, Rechab asopo Jonadab asomar sopinso atum kaiketa Nephan Ne ingdukverpo.”