Read Karbi JEREMIAH 43 Bible Online

JEREMIAH 43 - Karbi bible

JEREMIAH 43

¹Halatum a-Arnam HEMPHU halatum aphan kepathantoi alam an ne kethan patang-lo.

²Anke Hoshaiah asopo Azariah lapen Kereah asopo Johanan lapen akaprek aning kesedeng amonit atum an neliphan pulo, “Nang pachobeilo. Ijip adet padamri lapen padori pu netum a-Arnam HEMPHU netum aphan kepathanji pu nangphan nangtoite.

³Neriah asopo Baruk si nangphan netum abe pathurlo, anke Bebilon atum netum aphuthak hai undetpo, lapen netum aphan pathilotji ta unpo, mate Bebilon nepondetji ta unpo.”

⁴Lasi Johanan kalite ron armu achakri atum kalite rat atum baduta Judah adet kedolongverji aphan HEMPHU ahukum kroikrelo.

⁵Anke Johanan lapen ron armu achakri atum Judah along kedo arat abangphutin aphan lapen latum akepratsei kaprek adet-heihei lapen nang kecherui arat do-an penpen Ijip adet pon-et-lo:

⁶Pinsomar, arlosomar, osomar lapen recho asopimar an aphan ta pon-et-lo. Gedaliah arideng hukum ahemphu Nebuzaradan kehodai tekang abangphutin aphan latum pon-et-lo, Baruk lapen nephan jokta neponlo.

⁷Latum HEMPHU ahukum kroikrelo lapen Ijip adet arlo ha Tahpanhes arongsopi an ta damlo.

⁸Hadak HEMPHU neliphan pulo,

⁹“Ajehak thedung a-arlong enra lahei laso arongsopi along det pangri ahem kelut ajakan athengno longle arlo pipnon, la nang keklem ajehak Israel aso atum nangpathekdun longnon.

¹⁰Anke latum aphan Ne, Jakongkethe HEMPHU, Israel a-Arnam neban Bebilon arecho Nebukadnezzar aphan laso adim vanpo, lapen alangli recho anghoi lahei nang kepip a-arlong athak ingnipo, lapen lahei athak recho apehem asangho pule halatum aphan thannon.

¹¹Nebukadnezzar vangsi Ijip aphan parempo. Keso pen kevir nangji arat atum an thipo.

¹²Ijip a-arnam-heihei akardomhem Ne me keipo lapen Bebilon arecho halatum a-arnam-heihei aphan me phrindutji kalite pondetji. Kevi abang ape chiri kehum asonthotsi Bebilon arecho ta Ijip adet pangthaidakpo, lapen haithorpo.

¹³Ijip adet Heliopolis along kedo arlong kangthir angthek alangli pavirlo, lapen Ijip a-arnam-heihei akardomhem me keidut-lo.”