Read Karbi JEREMIAH 45 Bible Online

JEREMIAH 45 - Karbi bible

JEREMIAH 45

¹Josiah asopo Jehoiakim, Judah arecho recho kecho phli aningkan, neli kopima laphan ne kepatoktoi alam la tok-et-lo. Anke alangliphan neli pulo,

²Israel a-Arnam HEMPHU si kepulo, “Baruk,

³nang pulo, ‘Ne otang-lo! Ne kesung aphuthak keningri HEMPHU bat thumusilo. Ne ke-ningrinang pen mili tang-lo, lapen ne kesangji aphan apor chelongledet-lo!’”

⁴Bonta, Ne, HEMPHU kopima kekimtang ingsekpo, lapen kopima ke-etang phurphlutpo. La pirthe adang aphan Ne klemji.

⁵Nangmethangsi kechelangji aphan nang cholangding loma? La klemri. Kadokave aphanta Ne kevir vanlo, bonta nang chethe ke jokji, nang nahok-le dam seta. Ne, HEMPHU si keningjelo.