Read Karbi JEREMIAH 5 Bible Online

JEREMIAH 5 - Karbi bible

JEREMIAH 5

¹Jerusalem arat atum, nang tovarpi angbong-heihei kat-lo! Adung arei chelangtha! Nangmethang aphan chelangtha! Hithi adim-heihei rinon! Kopima akechok lapen Arnam aphan kekroithirthipji aphan kebor-i abang inutbak thek-longma? Nang jongsi long pulote, Jerusalem aphan HEMPHU diyaji.

²HEMPHU aphan nang archolo pu chepu seta, nang kopima keningjeji pale damde.

³Chenamsi HEMPHU ke kekroithirklong aphansi rilo. Nangphan Alang arbulo, bonta nang kecharliji molo. Nang, lam karjuje abang lapen nang pap-heihei pen suiselang,

⁴anke ne mathalo, “Lahei atum keduk lapen kechininechot, latum kelu akam klemlo; latum a-Arnam akenang lapen latum aphan HEMPHU si kepaklemji aning kehang-loma chinine.

⁵Jakong pen rat anat Ne dampo, lapen latum pen chingkipo. Chenamsi latum a-Arnam akenang lapen HEMPHU latum aphan kopisi kepaklemji aning kehangma latum chinilo.” Bonta latum kedo-an HEMPHU ajakong dengmolo.

⁶La apotsi ingnam pen hingho atum vangsi latum aphan pathipo; kejejangtang ajo pen mahar atum vangsi latum aphan ingsek-ipo, lapen halatum arongsopi-heihei bongkrui atum helatvoivaipo. Halatum amonit atum barlote, latum ingsekdakpo, Pima latum apap do-olo aphong aphongta latum Arnam pen suilo.

⁷HEMPHU arjulo, “Kopi athesi Nerat aso apap Ne kediyapo? Latum Nephan Ne-obup-lo lapen ahok kali a-arnam-heihei aphansi archorong-lo. Ne rat atum ingkrangkretik ne phinlo, bonta latum mek-langno akam klemlo lapen beisapi atum pen latum apor chepadamlo.

⁸Latum kepangtu pame alosei alo atum kar-i ason abangphutinta adung apiso aphan ar-ilo.

⁹Lahei apot ne latum aphan aduk pipedet nangjima lapen lason adet aphuthak alar huihedet apot-loma?”

¹⁰“Ne rat aso adrakha aberi-heihei kepachorjisi Ne hotur nangtoiji bonta halatum aphan kepavirdet khangjangji aphan kali. Aro-heihei kepachorjisi Ne halatum aphan puji, Pima halahei aro Nemar kali,

¹¹Israel lapen Judah arat atum Nephan nechobeidet khangjang-lo. Ne, HEMPHU si keningjelo.”

¹²HEMPHU arat atum Alangphan kroikresi pulo, “Chenamsi Alang thang-nat ta klemklelo. Eli kesung phophelo; eli ron mate akhim ta phophelo.”

¹³Latum pulo, montri atum thangta kali, bonta tomon ajarong-heihei chot lapen HEMPHU pen thangnat abirta ta ave.

¹⁴Nephan Jakongkethe HEMPHU Arnam si nepulo, “Jeremiah lahei arat atum aphan lason kepu apot nang ingho pen kebar Ne lamthe-heihei me ason paplangpo. Rat atum thengpi ason plangpo, lapen me lahei aphan cho-etpo.”

¹⁵Israel arat atum nangtum aphan kepatengkhengjisi keheloving pen isi akhei HEMPHU vanpo. Lapen ingtangrak lapen khei barim, laso akhei alam nangtum chinine.

¹⁶Latum thai kejo atum nokbe saide, ingjinsose pin pen pathipo.

¹⁷Latum nangtum asok-heihei an cholappo; latum nangso pinso-arlo atum aphan pathipo. Nang bi lapen vo ahur latum kepathi patichopo, lapen nangtum adrakha lapen athebo arong-heihei pavir-etpo. Halatum aron armu pen ajok nangtum kechiki apaikomchen arongsopi-heihei latum pavirdetpo.

¹⁸HEMPHU pulo, “Halaso arni-heihei nangle seta nerat aphan Ne pavirklungkle-jilang.

¹⁹Lahei Ne kopi athesi keklemlo pu latum nang arjulote, Jeremiah latum aphan thannon, latum Ne pen suisi bang adet arnam-heihei aphan halatum amethang adet kangduk apotsi latum ta kechinine pin atum mate bang monit atum aphan bang adet along ingduk nangpo”.

²⁰HEMPHU pulo, “Jakob aso-asu Judah arat aphan thannon:

²¹Nang kelu lapen kebuikluihak arat atum angno chedennon, nangmek do, bonta thek-longle, nang no do, bonta arjulongle.

²²Ne HEMPHU; kopi athesi nangtum nephan phere loma? Kopisi Ne ingno nangtum a-ok klemhurloma? Talo ahoi aphansi Ne sangti bilo, isi kedover ahoi, la par un-e. Talo linglang seta, la apar dam un-e; adihu arki chepathe seta latum panghangdak un-e.

²³Bonta nang rat atum! Nang bang alam karjuje atum lapen kethurkhrap atum; nangtum suisi Nephan olo.

²⁴Botor ahut Ne arve pajang-lo, kerot-kerim ahut anta aningkan-vang arve pajang-lo, tebonseta nangtum Nephan man Ne kepiji aphan mathathepin.

²⁵La klemsi, nangtum apapsi nangtum pen lahei akeme amar bi pahelolo.”

²⁶Nerat atum angbong kehingno amonit atum dolo; inut amonit ke-nepjisi lan kehing asonthotsi latum chepatujoi, bonta latum monit kenepjisi pham-heihei tot-lo.

²⁷Sekar kedam abang vo aroi vo plengset asonsi, latum ta ahem-heihei kethi amarsi chepaplengset-lo. La apotsi latum jakong do lapen plang-o,

²⁸lengbut-bat lapen cholong-junlong. Latum kehingno akam keklem thang ahoi ave. Jangreng atum kelangji ason latum pipe mate kechenek-ot kepho aphan ahok akangsai pipe.

²⁹Bonta Ne, HEMPHU si halatum aphan lahei apot adukpiji; laso akhei aphuthak Ne alar huiji.

³⁰Isi kepherememe lapen kethirikjok ason det nangplangtang-lo:

³¹Montri atum thangnat ningjeje bonta kechobei alam-heihei si ningje; montri ahukum ateng kurusar arum thangnat ta pu dundedet-lo. Bonta latum kopisi klemthekpo. La kadokave akejut nangletang-lo.