Read Karbi NINGDUK ALUN 2 Bible Online

NINGDUK ALUN 2 - Karbi bible

NINGDUK ALUN 2

¹HEMPHU aningthisi akangting pen Zaion aphan dipthip-lo. La sining ahir-asang alangli kerutang paplang-lo, alangli ningkethi arni alangli Kardomhem jokta olo.

²Judah along kedo arongtin HEMPHU jinsosepinpen pavirlo lapen longle kerai apaisong ingsek-lo. Recho arat lapen la keja atum aphuthak alangli kelangrem vanlo.

³Alangli ning siksaksi Israel ajakong alangli pachingdat-lo; Hotur kevang ahut alangli kerapji aphan molo. Alangli ilibe thursi me ason thak thak aning solo, lapen kedo-an ason pavirlo.

⁴Hotur aphan ason, alangli thai aso enat ejong-lo; ilining kecherong lapen kechehok abang alangli pathilo. Ladak Jerusalem along alangli aningkethi angtang ili long-lo.

⁵Hotur asonsi HEMPHU Israel pavirtang-lo; la apaisong lapen rechohem parusi Alangli o-tekang-lo. Judah arat aphuthak jutjepin aningduk Alangli vantang-lo.

⁶Ili Alangliphan karcho a-Kardomhemthepi ta Alangli phangnodak-lo; Kesang-pangthir arni Alangli pajutkok-lo. Recho lapen kurusar atum anta Alangli-ning kethi angthek long-lo.

⁷HEMPHU Alangli dovan dengdelo lapen Alangli kardomhem kangthirta pangsamrilo; la apaisong kangsekji Alangli bida tholo, Ili ning arong pen karcho adim halatum kehai ase chepathelo.

⁸Zaion apaisong keru nangjisi HEMPHU aning ton-elo; kevirklungjisi Alangli lahei punlo. Kangtui ahemtap lapen apaisong-heihei non rurappetsi dohup.

⁹Inghap-heihei longle chepip-lo, halahei ajor chebeng-ilo. Recho lapen arleng kethe atum non bang adet ban damnang-lo. Aron kethan abang ave, lapen montri atum HEMPHU pen thangnat akethek-long ason ave.

¹⁰Jerusalem akesar atum longle athak dojoisi ingni, halatum aphu athak longle aduk lapen halatum abang pethoila che-um. Okarjang atum halatum aphu longle arum tongkurkarlo.

¹¹Ne mek kechiruloksi kanghup-lo; ne karjongta siksak-lo. Ne rat aso kevir aphuthak ningkerunlok nejakong avedet-lo. Rongsopi atovar-heihei along osomar lapen osothi-i atum kli che-chalo.

¹²Kangchir lapen kelangit latum apei aphan chehang, rengkeso atum asonsi latum tovarpi along kli, lapen pajo pajo latum apei aning athak thi-lo.

¹³O Jerusalem, kechinghon a-Jerusalem, ne kopisi pu-unpoma? Kopusonsi ne nangning pangsampoma? Baduta lason kesung phophelang. Nang kevirke talothepi ason ahoi ave, Hadak ningkethe meme ave.

¹⁴Nang montri atum thangnat ta nangthan move bonta chobei alamchot. Nangtum apap nangpaklangkle pen ajok halatum nangphan chobeilo. Halatum nangning chirui nangnelo pu nang pamathatoilo.

¹⁵Rongsopi dampri-dampro arat nangphan kangnekchoi pen nanglang tekangpo. Halatum aphu chehijuksi lapen Jerusalem kevir aputhak ingnekchoipo- “Laheloma hala kelangmenei arongsopi? Pirthe asor kerohur laheloma?”

¹⁶Nang hotur do-an nangphan ingnekchoilo lapen kehijim pensi nangphan nanglang-lorlo. Halatum angtur lapen anokan chebi, “Etum la pavirdet-lo! La helo etum kecholang arnilo.”

¹⁷Kejutsi HEMPHU kepaphere pen keklemji pu akam alangli klemdet-lo; Alangli akangjinso avepin pen ephan alangli aphrang pen epacheretoi asonsi epavirdet-lo. Ehotur aphan alangli pahailo ili kerem along halatum aning arong-lo.

¹⁸O Jerusalem, nang paisong HEMPHU aphan pahangnon! Nang mekri ajo-nerlota langroi asonle palidungnang; Kechiru lapen ningkeduk penle nang chepaprit-thangnon!

¹⁹Ajovang thurphlut-ra lapen abatai batai HEMPHU aphan un an choningrinon; Nangning do-an dungra lapen nangsomar aphan alangli pen kangjinso chohangnon Osomar atum kecholongle pen tovar akrongtin along thibomlo!

²⁰Langtha, O HEMPHU! Nang aduk kanghoi abangphu aphan langtha! Arloso atum kechinghonnei asomar a-ok checho nang-lo! Kardom ahem along amat kurusar lapen montri atum aphan pathilo.

²¹Tovarpi along aso lapen sarlarta kethi tidung-lo. Risomar lapen arloso atum aphan hotur anokjir pen pathilo. Nangning kethi arni kangjinso avepin pen nang halatum aphan pathilo.

²²Chojun amei asonsi nang nedung bithe pherememe ason ason hotur phalo lapen nangning kethi arni baduta jok un-e. Halatum ne kelana lapen kechinghonnei nesomar aphan apran armut-lo.