Read Karbi NINGDUK ALUN 3 Bible Online

NINGDUK ALUN 3 - Karbi bible

NINGDUK ALUN 3

¹Kopusonsi Arnam aduk kepiloma ne la kechini abang-lo.

²Alangli nephan karnuk apar karnuk akangting ajosi nevar.

³Lapen kangjinso avepin pen nephan arbu lethot-lo.

⁴Alangli ne-ok angse si bilo lapen ne reppi-heihei ing-lok-lo.

⁵Alangli nephan kesung lapen ening kesiksaknei kebeng adimsi ne ingkirhet-lo.

⁶Kethinangji akangtingthip adimsi alangli nephan pado bor-ilo.

⁷Nephan ingchin ari pen kok-het; Ne kejokji ningkethe kavepin kebeng angdeng kedo abang-lo.

⁸Kerap kelongjisi ne asekethe pen hang, bonta Arnam nekarjuji molo;

⁹Ne krep-ring ringsi damlo; ne kechetevar aling arlong apaisong chak-lok.

¹⁰Thokvam asonsi alangli nephan chonghongding-lo; alangli hingho ason nephan chonep-lo.

¹¹Alangli nephan tovar an phlung, nephan ingseksi otekang.

¹²Alangli thai chirung-lo lapen aso ne anat ton-lo,

¹³Alangli thai aso pen nebang apchok-lo.

¹⁴Arni kangthimta rat atum ne ingnekchoi, halatum aphan neke kepinrem abanvak-lo.

¹⁵Keho kephik do-an alangli nephan pacho-pajunsi pasung-lo.

¹⁶Alangli nemahang longle hilo, lapen arlong along neso pajok-lo.

¹⁷Ok-keme lapen ningkangsam lapen ning-arong kopima ne tengne-et-lo.

¹⁸Ne kereng-oji avelo; HEMPHU aphan nening kechethe avedet-lo.

¹⁹Ne keso, hemkave kechemathadam ke hodak abikarlo.

²⁰Ne la matha nang-e lapen nekarjong ke aningkerunlo.

²¹Tebonta eson alam chemathadamlote ningkethe chevang,

²²HEMPHU kephlutphle akanghon lapen akangjinso dobom.

²³Adap ason mirak lapen arni kevang ason vangvek.

²⁴HEMPHU ne kedo-an helo, la apotsi alangli longsi ne ningchethe.

²⁵HEMPHU aphan kechiki atum an aphan alangli mesen;

²⁶Lasi alangliphan kechepaningding pen kechonghong iliphan kepajokji aphan kechonghong ke ephan akemeneilo.

²⁷Lapen lason kechepaningding riso ahut kecharli ke akemeneilo.

²⁸Ili kesung kepho ahut etum inutvet chepaningdingsi ingnijoi nangji;

²⁹Etum ingphun tongdik pen chehodai nangji, Pima hadak ningkethe doji tahai.

³⁰Chok-lo lapen patherak-lo seta, etum la do-an dengnangji.

³¹HEMPHU ke kangjinsosi plengset lapen kaike aphan edengdeverve.

³²Ephan alangli ningkeduk vantahai bonta ephan ekanghon ke dovek lapen thepik.

³³Ephan aningpaduk lapen kepasoji alangli ning cheparong-re,

³⁴Ekarjong-heihei kebeng angdeng along kerop ahut HEMPHU chinipame.

³⁵Ephan jakong ekepi angbong kelongle ason alangli chini;

³⁶Kangsai ahem along ahok-akangsaise alangli chini.

³⁷HEMPHU aningkehang atengsi kaiketa hangkong-lo .

³⁸Alangli hukum along keme lapen kehingnota dolo.

³⁹Ephan epap apot aduk ekepi ahut pisi ili kaike khinde nangjima?

⁴⁰Etum atovar asat chelang-lonang lapen HEMPHU anat chiruithu lonang.

⁴¹Sining Arnam aphan ening chingpulonang, lapen ardom lonang,

⁴²“Netum pap klemtang-lo, lapen nang O HEMPHU, nediyajelang.”

⁴³Nang netum aphi aphi hung-lo lapen nepathilo; nangning kethi pen ajok nangkangjinso chepatujoilo.

⁴⁴Pima netum akardom kelut unji aphan nangning kesedeng anghun arthatpik.

⁴⁵Nang pirthe asor ke-enmo abuisi nethip-lo.

⁴⁶Ne hotur kedo-an atum nang-chongthuirip lapen nang-hiringjolo.

⁴⁷Netum kevirlok lapen kerulok; netum pherememe lapen kephere pensi donang.

⁴⁸Ne rat atum akevir along ne mekri kelidung aroi keli ason.

⁴⁹Langso jutje along ne mekri dungpo.

⁵⁰HEMPHU Sining angsong pen arum tongdik-ra lapen elangle tik an,

⁵¹Rongsopi a-arloso aphan keplangtang kethek-long ahut nening dukpik.

⁵²“Nephan kelangseletji ason avepinta nehotur atum vo kenep asonsi nephan pham tot-lo.

⁵³Hilik along halatum nephan varlo lapen hilik angho arlong pen rangkhathip-lo.

⁵⁴Lang nephan avetang-lo, lapen ne kethiji tebok-het-lo pu chemathadet-lo.”

⁵⁵“Hilik arlo pen ne nangphan hang-lo O HEMPHU,

⁵⁶Lapen ne kar-em nangno pachedentoijisi ne nangchoningri ahut nang arjulo.

⁵⁷Nang nethak-lo, lapen phereri pu nethanlo.”

⁵⁸“Nephan kepajokjisi nang vang-lo, HEMPHU, lapen ne pran nerailo.

⁵⁹Ne bele ingsainon, nebe kehingno-heihei keklem an nang chini.

⁶⁰Ko-ansi nehotur nephan hijimloma? Nang chini lapen latum kosonsi nephan kepathiji riloma?”

⁶¹“Latum nephan kepinrem nang arjulong-lo, O HEMPHU; nang halatum kehingno kemang alam-heihei chini.

⁶²Narlosini latum nelamsi chethan lapen halatum kejong alam chingvai.

⁶³Adap pen ajo an halatum nephan ingnekchoilo.

⁶⁴Halatum keklemtang aputhak aduk pitha, O HEMPHU;

⁶⁵Hirjuno pira halatum aphan ningkerun pen paplengsetnon.

⁶⁶Halatum aphan nep non lapen pirthe adang pen pavedetnon!”