Read Karbi EZEKIEL 10 Bible Online

EZEKIEL 10 - Karbi bible

EZEKIEL 10

¹Kereng-et api atum aphu athak aphuchong anat lang-lo lapen athak si longlirchithing abor pen keselam anghoi ason dolo.

²Pe kanglit kechepindeng abangphan Arnam pulo, “Pi atum aber kedo kongtelong adak damnon lapen nangripak hongni me akri pen chepaplengsetnon. Anke rongsopi aputhak me akri hijiknon.” La kedam neli langdunding-lo.

³La kedam ahut, pi atum kardomhem thepi anitur anat arjaphrong-lo, lapen arlo atikup inghun si plengset-lo.

⁴Pi atum pen keturbong HEMPHU atur chirung-lo lapen kardom hemthepi ajakan anat cheterek-lo. Anke kardomhemthepi inghun pen plengset-lo lapen tikup keturbong atur pen the-angdang-lo.

⁵Pi atum avengkong arki ingtan atikup anta arjulong. La arki Jakong kethe HEMPHU ase ason.

⁶Pi atum aber kongtelong-heihei adak pen Pe kanglit kechepindeng amonit aphan me kepa-en ahukum pidet aphi, bangso amonit arlo lutdamlo, lapen kongtelong angbong isi adung arjaptherlo.

⁷Hadak kedo halatum angbong pen pi ejon abang ari me arlo chebidamsi ajehak me akri enlo lapen pe kanglit kechepindeng abangphu arideng hodailo. Bangso amonit me akri ponsi damjuilo.

⁸Ajontin apita avengkong aber monit ari nangnak kedo ne thek-long-lo.

⁹Pi ajontin adung ejatnat akongtelong hongphli neli thek-long-lo. Adorsodak arlong asonsi kongtelong-heihei doibongbang-lo, lapen ar-e atok anat akaprek akongtelong kejokdun asitin along do.

¹⁰Lapen halatum a-arje ke jonphlita isinat, adang angbong isi akongtelong adang kedo ason.

¹¹Pi atum cheterek lote latum chetevarvepin pen nahokta dam un. Latum chetevarve pin pen latum kedamji aning kehang aling adim cheterek un.

¹²Latum abang-heihei avengkong-heihei lapen kongtelong-heihei mek-heihei si dipthip.

¹³Lahei akongtelong aphrangsi neli kethek-long pen ejatnat.

¹⁴Pi ajontinta amahangphli do. Aphrangke chainong arje, lapen adun abang monit arje, kethom abang hingho arje, lapen phli abang ke vomu arje ason.

¹⁵(Lahei neli Keba Aroi akung along kethek-long cheng api pen ejatnat.) Pi atum sining-inghun anat kechirungtang ahut,

¹⁶latum along kongtelong-heihei ta chirungdunlo. Latum kangjar jile arveng kechirung ahut, kongtelong latum along dunbomlang.

¹⁷Pi atum kesang ahut, kongtelongta sang-lo, lapen pi atum kangjar ahut, kongtelongta latum along dunlo, pima lahei aphan pi atumsi ot-lo.

¹⁸Anke HEMPHU kedo keturbong atur kardomhemthepi ajakan olo, lapen pi atum athaksi adim cheterek-lo.

¹⁹Latum arveng chepurlo, lapen neli kelangdunding ahut pirthe pen ingjarchorlo, lapen kongtelongta halatum along dunlo. Latum Kardomhemthepi anghap nihang anat malomso chingtonkok-lang lapen latum aphuthak keturbong atur dolo.

²⁰Kebar Aroi along Israel a-Arnam aber kethek-long ejat nat api lo lahei aphan neli chinilo.

²¹Ajontinta amahangphli do, avengkong phli do, lapen avengkong aber monit ari nangnak do.

²²Latum amahang Kebar Aroi akung ne kethek-long amahang-heihei pen ejatnat. Ajontin api aphrang anat kengdet cheterek-lo.