Read Karbi EZEKIEL 15 Bible Online

EZEKIEL 15 - Karbi bible

EZEKIEL 15

¹Neliphan HEMPHU pulo.

²“Monit aso,” alangli pulo, “Drakharikang kosonsi thengpi arong pen pangbarpo? Drakharikang aro pen ingnam athengpi arong kepangbar kopi ale dojima?

³La kopine akam aphan enmejima? Hormu kevekji aphan la pen kesak-i aso selam-mejima?

⁴Lake me kethekji aphan kepangsomji aphan chot-lo. Angchun me pachodet pen angbong ta pahokvaidet lote kopisi ke-enmejilang?

⁵Me kephrinphre apar la en-nothujilang. Non la me chotang-lo lapen la pahokvaitang-lo, la thangnatta ennolo.”

⁶Non lahelo keklem un a-HEMPHU kepu, “Drakharikang non pen ensi me kephrin asonsi, Ne Jerusalem kedo arat aphan pondetji

⁷lapen latum aphan adukpiji. Latum isi ame pen jok-lo, bonta non latum aphan me si chodetpo. Latum aphan Ne aduk kanghoi ahut, nangtum: Ne helo HEMPHU-lo pu chinipo.

⁸Latum nephan kaita kroithipthe, la apotsi det isi Ne pangthaidang po.” Keklem un a-Hemphu-si ningjelo.