Read Karbi EZEKIEL 19 Bible Online

EZEKIEL 19 - Karbi bible

EZEKIEL 19

¹Israel arechoso banghini aphan laso ningduk alun kepalunjisi neliphan HEMPHU pulo:

²“Nangpei ejon ahinghopi lo! Kepherememe ahingho alo atum angbong bangpi aso chopathelo.

³Bangpi aso ejon pangreng-lo lapen kepachoriji thanlo. La monit kecho abang plang-lo.

⁴Det atum la alam arjulong-lo lapen hilik arlo laphan pajang-lo. Ijip adet laphan arhi pen pavursi chethurponlo.

⁵Kadokave aningkethe dam et-etik bangpi inghongbomlo. Anke bangpi puthot ejon kaprek aso chopangreng-lo lapen la thesi ejon kepherememe ahingho plang-lo.

⁶La thepamesi la ajon kaprek ahingho atum pen juilo, la jokta kechori charlisi monit kecho abang plang-lo.

⁷La paikomchen akut phangnolo, rong-heihei la parulo. La kangrong aphongtin det arat atum pherelo.

⁸La pen kechedanjisi det atum chingrumlo, bithe-bitha pen rat atum vang-lo. Latum keri alan-heihei sang-lo lapen la aphan latum apham pen nepchek-lo.

⁹Kebeng aroi arlo laphan latum bengchek-lo lapen laphan ha Bebilon arecho along pondet-lo, latum laphan tonding-lo, anke Israel anglong-heihei athak la kangrong ase arjulongledet-lo.

¹⁰Nangpei ke langroi akung ke-e adrakharikang arong asonlo pima hadak dorphlup alang kedo apotsi drakha arong arvo lapen athe-heihei pen dipthip-lo.

¹¹La aro ingtangrak lapen recho achin-heihei keplangji aphan thelo. Inghun-heihei kephojisi drakha arong dingpik-lo. Abangphutinta arvo kedipthip lapen la kangtui thek-long-lo.

¹²Bonta kesedeng arideng pen la angkur-heihei phurphlut-lo, lapen la longle athak varchorlo. La athe nihang atomon pakrengtailo. La aro-heihei chingtopong-lo, latum lahei pakreng si me phrinlo.

¹³Non laphan ha kejejangtang ajosi elo, lang kave kekrengtai alongle along.

¹⁴Drakha asek me cholo; aro-heihei lapen athe-heihei me cho-et-lo. Aro-heihei puthot ingtang un-elo, recho achin-heihei aphan plang un-elo. Lake isi ningduk alunlo; la aphong aphongta lunbomlo.”