Read Karbi EZEKIEL 2 Bible Online

EZEKIEL 2 - Karbi bible

EZEKIEL 2

¹Monit aso arjapnon, Ne nangpen kechingkiji neninghang-lo,

²Ase keningjebom ahut, Arnam akarjong nelutchok-lo, lapen neparjapding-lo, lapen keningjebom ase neli arjulong-lo.

³“Kethi-un amonit, Israel arat anat Ne nangphan nangtoilo. Latum Nebe thursi Nepen suitang-lo lapen aphusar atum ason thurbomlang.

⁴Latum ningkluijui lapen Nephan man Nepipe, lasi Ne keklem-un a-HEMPHU latum aphan kepathanjisi nangphan Ne nangtoilo.

⁵La kethurkrap atum nangphan arjunon-arjujenon, latum angbong inut amontri dolo pu latum chinipo.”

⁶Bonta nang, kethi-un amonit, latum aphan mate latum kepu alam an phererinon. Latum Nephan Nenong pajunopo, lapen hijimpo; lake chehepivo atum angbong kedo dun asonlo, seta kethurkhrap atum aphan phereri mate latum keningje alam-heihei phererinon.

⁷Latum arjunon-arjujenon, Ne nangphan kepathantoi alam an thannon. Chinitha, non latum kopi akethurkrap atum ma!

⁸Kethi-un abang, Ne kepu alam arjutha. Latum ason thurkhrap-ri. Nang-ingho chingpunon, lapen nang-phan Ne nangkepi ason chonon.

⁹Nenat ri ehong nekepajirding neli thek-long-lo, lapen la isi alohthui otdonlo.

¹⁰Ri ahong lohthui purlo, lapen anung-angno ta ketok-ang neli thek-long-lo, ningduk pen kechiru, lapen keningri, kar-em alam ketok do.