Read Karbi EZEKIEL 35 Bible Online

EZEKIEL 35 - Karbi bible

EZEKIEL 35

¹Neliphan HEMPHU pulo.

²“Monit aso,” Alangli pulo, “Edom adet aphan thandaknon.

³Ne, Keklem-un a-HEMPHU latum aphan kopisi kepuma rat atum aphan thannon: Ne, nangtum ahoturlo, Edom anglongpi-heihei! Nangphan Ne pasamphridangji.

⁴Nang rongsopi-heihei Ne parutekengbupji Lapen nanglongle pangthaidangji; Anke Ne, helo HEMPHU lo pu nang chinipo.”

⁵Nangtum ke kaiketa Israel ahoturverlo, lapen latum kesung ahut la arat atum aphan nang nokjirpen pathikliptoilo, la apap apot kejut aduk kepi ahut.

⁶La apotsi-Ne, Keklem-un a-HEMPHU kedotik ke Ne kereng-et Arnam, kethi ke nangtum akopailo, nang la pen jok-un-elo. Nang, pran-karmut apot nangdo do, lapen pran karmut nangphan hungkripo.

⁷Edom anglong adet Ne pasamphridangji lapen la angbong kehelat abangphutin aphan Ne pathilotji.

⁸Inglongpi-heihei athak kethi arpum pensi padipthipji, lapen inglong-heihei lapen arlok-heihei athak ron along kethi abang-arpum-heihei pensi padip thippo.

⁹Nang, kaike aphan ke pangthaidangpo, lapen nang rongsopi-heihei along baduta dothuthedetpo. Anke Ne helo, HEMPHU lo pu nangtum chinipo.

¹⁰Nang pulo, Judah lapen Israel, kheihini, alongle penpen nang ridengsi do pu, lapen nangli cherai-undetpo, Ne, halatum a-Arnam seta.

¹¹Lasi, Ne, kereng-et, Arnam dotik ke, nang kesedeng, nang kelang-un-e, lapen ne rat aphan nang kehijim apot ne alar nanghuiji. Latum aphan keklem apot, Ne nangphan aduk nangkepilo, pu latum chini po.

¹²Israel anglongpi-heihei ke ingthaidang-lo lapen kechodetji latum aphan nepitang-lo pu kepinrempen kepu Ne, HEMPHU arjulong tang-lo pu nang chinipo.

¹³Nang nephan kechepindak pen lam keningje Ne arjulong-lo.

¹⁴Keklem-un a-HEMPHU pulo, “Ne nangphan lapu-an pangsamriji nang kekrep ahut pirthe adang kangthim nang chehokdunhurji,

¹⁵Israel kevir aputhak nang ning cheparongdun ason, Ne methang amar aputhak. Seir anglongpi-heihei, Kalang Edom adang bithe, samphridangji. Anke Ne helo HEMPHU-lo pu abangphutin ta chinipo.”