Read Karbi EZEKIEL 41 Bible Online

EZEKIEL 41 - Karbi bible

EZEKIEL 41

¹Adunthu, bangso amonit neli-phan angbong angdeng neponlo, Kangthir Adim. La along keledam ajam alangli punlo; la karnuk ingrup throksi,

²lapen ajam ingrupkep, arpong pu pu ta karthat ingrup pho. Angdeng amat ta langli punlo: la keding ingrup phlikep, lapen arpan ingrup ingkoi.

³Anke alangli ha arlosi angdeng damlo. La ajam alangli punlo, karnuk ingrup hini lapen arpan ingrup throk, lapen arpong pu-pu karthat ingrup throksi.

⁴Angdeng amat ta alangli punlo, lapen komchen ingrup ingkoi. Laso angdeng ke angbong angdeng apar. Anke neliphan alangli pulo, “Lake Kangthir-nei adim lo.”

⁵Kardomhemthepi ahem arlo arpong ko-an arthatma bangso amonit punlo, lapen la ingrup throk dolo. Kardomhemthepi komchen arpong chehoinot ingrup-phli ajam kedo angdengso-heihei kekimren do.

⁶Lahei angdeng ke hemchardon-pharthom, amarotin ingdeng thomkep do. Kardomhemthepi ingtan a-arpongtin achetai ke aber achetai apar ing-armuchot, anlote angdeng-heihei arpong along archak avepinpen do-unpo.

⁷Lasi Kardomhemthepi arpong-hei hei ingtan pen nanglang lote, ha angsong an ta karthat isinat ason si thek-longpo. Kardomhemthepi angtan arpong angdenchit angdeng-heihei athak, ajamthe muchot adongkam kimlo, anke aber pen angbong lapen athaksi anta dam-unpo.

⁸Kardomhemthepi pangtui muchot kekomchen maro neli thek-long-lo; adar angdeng-heihei aputa pun si keding ingrup throk long-lo.

⁹Adar angdeng-heihei angtan arpong karthat ingrup pho; lapen maro pen chehoilok kebilun ta ingrup pho. Kardomhem amaro lapen

¹⁰arlo atikup kardomhem akung komchen adak ingrup ingkoi, arpan do.

¹¹Kebilun amaro anat kedai angdeng-heihei anghap ingpudang, isi anghap ke nirep anat, lapen akaprek anghap ke nitur anat; lapen kebilun adak ke arpan ingrup pho ha komchen an ta dolo.

¹²Kardomhem atikup anat kepangno nichi anatthu ahem abang ke ingrup throksi kep arpan dolo, lapen hem arpong ke ingrup pho karthat lake komchenlo, lapen la arjon ke ingrup throksirkep.

¹³Bangso amonit Kardomhemthepi angtan akung punlo, lapen la ingrup pharo keding. Lapen Kardomhemthepi anung ha hongchetai soding nichi ahem anat an ajak-keding ta ingrup pharo dolo.

¹⁴Kardomhemthepi athengno, pupu achetai adak parloponpet ajam ta ingrup pharo.

¹⁵Alangli Kardomhem-thepi arjon ha nichi anat pun lo, pu pu adak ajam parloponpet ingrup pharo dolo. Kardomhemthepi kelutcheng angdeng, Kangthir Adim, lapen Kangthirnei Adim,

¹⁶an aklong pen inghapso-heihei anta thengpi top-et-lo. Lahei anghapso dip-un.

¹⁷Kardomhemthepi arlo arpong-heihei ke inghap asonsi apar kangtui lahei kehong sotele lapen arveng kedo api atum arjan-heihei pensi kebang.

¹⁸Arveng kedo api atum adak adak sotele arong arjan dolo. Isi pen isi pachelarlo ha ingdeng soding. Pi ajontin ta amahang hini do:

¹⁹Monit amahang abang ke sotele arong anatsi kepangno, lapen ke hingho arje abang ke akaprek arong anat si kepangno. Arpongsoding la lasonsi dolo,

²⁰aklong pen ha inghap angsong an.

²¹Kangthir Adim anghap anujok ke lep-phli. Kangthirnei Adim kelutcheng athengno, hadak thengpi ben ason kelang isi adovan do,

²²la ingrup kethom kangtui, lapen ajamkethe ingrup hini. La atok anujok-heihei, la aklong , lapen la akung-heihei kadokaveta thengpi pensi keselam. Bangso amonit neliphan pulo, “La ke HEMPHU angno kedo atebul lo.”

²³Kangthir Adim anat kedam kechehelat kejutsi along isi anghap do, lapen Kangthir-nei Adim anat kedam kechehelat kejutsi along isi anghap.

²⁴Lahei inghap cherop angbong chitim-chit bi parjap-lo.

²⁵Arpong-heihei along kedo asonthotsi, Kangthir Adim anghap-heihei along sotele arong-heihei lapen arveng kedo api-heihei arjan kehong do. Kelutcheng angdeng anghap aden athak thengpi ketop do.

²⁶Laso angdeng arpong along inghapso-heihei do, lapen arpong-heihei sotele arong-heiheipen si alir-acham kepi.