Read Karbi EZEKIEL 42 Bible Online

EZEKIEL 42 - Karbi bible

EZEKIEL 42

¹Anke bangso amonit neliphan ha ingtan atikup anat nepon-det-lo, lapen Kardomhemthepi nirep ahin ahem anat neja ponlo. Kardom-hemthepi kejut nichi anat kedo ahem pen helole.

²Laso ahem ingrup pharo keding lapen ajam kethe ingrup phokep do.

³Ehin athengno anat ajam ingrup ingkoi arpan la Kardomhemthepi soding-lo, lapen ahin kaprek anat ke maro angtan atovar anat si kepangno. La pharthom athak si kekim, aphartin ta aber apar thimuchot.

⁴Laso ahem nirep soding isi ingrup kep ajam arpan atovar do lapen keding ingrup pharo isi, halapu anat kelutcheng ajakan penpen-lo.

⁵Athak aphar ahem angdeng-heihei ke angbong lapen aber-heihei aphar apar bi muchot athema lahei thi muchot.

⁶Kedo-an aphar angdeng-heihei ke aphar aphar aklam athak si kedo lapen kaprek tikup ahem-heihei ason nujok-heihei karchak ave.

⁷Lapen ingtan anat chingdenchit angdeng-heihei anat isi arpong do, ingtan amaro anat, angdeng-heihei athengno, keding ingrup phokep.

⁸Ingtan amaro athak angdeng-heihei keding ingrup phokep, bonta kardomhem athengno-heihei ke ingrup pharo isi keding.

⁹Lahei angdeng aber nihang anat isi kelut atovar do, mane le lahei arlo ingtan amaro pen kelutdam asonben,

¹⁰hadaksi ingtan a-arpong kecheng. Kardomhemthepi nitur ahin anat hadak isi kepangthek-meme ahem do, la Kardomhemthepi kejut anichi anat ahem pen helole.

¹¹Angdeng-heihei athengno nirep anat kedo asonthot kechehelat atovar do. La isinat apun, isinat arje, lapen kelutcheng ajakan-heihei ta isi nat.

¹²Nitur ahem anat angdeng-heihei aber isi anghap do, nihang kejut anat hadaksi arpong kecheng-lo.

¹³Bangso amonit neliphan nepulo, “Halahei ahem humnita ingthir-et. Hadaksi HEMPHU angno kelutdam akurusar atum kangthirnei adan chopo. Pima angdeng-heihei ingthir-et, kurusar atum hadak kangthirnei adan-heihei hodaipo: Soksang adan lapen pap athok adan mate kechetu adan-heihei.

¹⁴Kurusar atum Kardom-hemthepi arlo kedora ingtan atikup anat kedamji aninghang pulote, latum HEMPHU aphan kangduk ahut kechingthang ape kangthir lahei angdeng along si chebitekang nangji. Rat atum kechingrum angkang along latum kedamji aphrang akaprek ape chingchoipon nangji.”

¹⁵Kardom ahem arlo bangpo abang kepun patang-et aphi, nihang anghap ajo pen ingtan neliphan nelindet-lo, lapen ingtan angkang punlo.

¹⁶Alangli ingchin apun abarlon ponsi nihang ahin punlo, lapen la ingrup pharopho dolo.

¹⁷Anke alangli chetevar si nirep anat punlo, apun pen ingrup pharopho long-lo.

¹⁸Ako alangli nitur anat chetevarsi punlo, lapen ingrup pharopho long-lo.

¹⁹Anke alangli nichi anat chetevarlo, lapen punlo, ingrup pharopho long-lo.

²⁰Lasonsi arpong atok-phli ta ingrup pharopho saidelo. Arpong si kangthir lapen kangthirthe angbong thak-lo.