Read Karbi EZEKIEL 48 Bible Online

EZEKIEL 48 - Karbi bible

EZEKIEL 48

¹Kheiheihei amen lahei helo: Nirep ahoi anat Benjamin akhei, Hethlon atovar Mediterran atalo pen ha Hamath kelut dam atovar, Hazarenon an (Hamath angno atovar Enon, la Damaskas ahoi nirep anat), lapen nihang anat pen nichi anat an, Dan ta apharman isi.

²Dan alongri ahoi nihang pen ha nichi an, la ke Mediterran atalo anichi anat an, Asher apharman ta isi,

³Asher alongri ke, nihang pen nichi ahin anat, Naphtali, apharman isi.

⁴Naphtali ahoi, nihang pen nichi ahin anat Manasseh apharman isi.

⁵Ephraim alongri ahoi, nihang pen ha nichi, Reuben ta apharman isi.

⁶Ephraim alongri ahoi, nihang pen ha nichi, Reuben ta apharman isi.

⁷Reuben alongri ahoi, nihang pen ha nichi, Judah ta apharman isi.

⁸Adun adakthu alongle abang ke isi kepanong-lor kerimji aphansi kebipilo. La ke kilomitar 12 ra ebeng donangji arpan nirep pen nitur an, lapen khei atum aphan kepi asonthotsi nihang pen nichi an etengthot arjonkeding donangpo. Laso adak alongsi Kardom-hemthepi dopo.

⁹Laso adak angbong chitimchit along, isi kepanong adim arjon kilomitar 12 ra ebeng lapen arpan kilomitar 10 alongle HEMPHU aphan hodai nangji.

¹⁰Laso kangthir adak angbong isi adak kurusar atum aphan long nangji. Nihang pen nichi an latum apharman kilomitar 12 ra ebeng lapen nirep pen nitur an, kilomitar 5. HEMPHU a-Kardomhemthepi ke labangso adak angkang angbong chi-timchit si donangji.

¹¹Laso adak ke Zadok aro pen kevang akurusar atum aphanlo. Latum nephan kroithip pen ingduk-lo, lapen akaprek a-Israel atum kehingno akam keklem along latum chelangdunde det-lo, akaprek a-Levi aso atum keklemdun ason kali.

¹²Lasi latum akaprek a-Levi atum adung alongle alongsi isi kepanong alongle along latum dolongpo, lapen lake kangthirnei adimlo.

¹³Levi atum ta isi kepanong alongri si dolongpo, hala kurusar atum anitur alongri anat, arjon kilomitar 12 ra ebeng, nihang pen nichi an, lapen arpan kilomitar 5 nirep pen nitur an.

¹⁴Longle kedo-an angbong HEMPHU aphan kehodai alongle helo kemenei alonglelo, lapen la angbong jor longle mate lar longlelo mate anut kaprek aphan palar longle. Lake ingthir-et lapen la ahemphu HEMPHU lo.

¹⁵Kepanong alongri angbong ahin alongle abang ke keding kilomitar 12 ra ebeng lapen arpan kilomitar hini ra ebeng, ke ingthirthelo, bonta rat atum jungjung akam ke-enji aphanlo. Alanglitum hadak do-unji lapen la en unji. Rongsopi ke la angbong chitimchit si padonangji,

¹⁶lapen la isi atok-phli nangji, ingrup 4500 ahintin anat ta donangji.

¹⁷Rongsopi atok tin hadak isi ahongchetai donangji, ingrup 250 donangji.

¹⁸Rongsopi kimdet aphi ahin along le adungthot amat kangthir adim anitur anat keding kilomitar, pho, lapen arpan kilomitar hini ra ebeng nihang anat, lapen kilomitar pho keding lapen arpan kilomitar hini ra ebeng nichi anat lake rongsopi along kedo arat atum sai ketiki alongle aphanlo.

¹⁹Badutame rongsopi along kedo abangphutin, jat akhei penle la vang setame, laso alongle saitiki longji.

²⁰Lasi angbong chitimchit adak alongle adang la kepitang kompet atok-anotin kilomitar krehini ra ebeng, lapen la rongsopi ke-en alongle ta parloponlo.

²¹Ahin kedolang pupu kangthir adang alongle lapen rongsopi amar ahin an ke rechoso amarlo. Ingrup suri ingkoirapho kangthir angkang pen ahoi an, lapen khei atum pen chingdenchit, lata rechoso apharmanlo kardomhem Kangthir angkang lapen la angbong chitimchit akangthir angdeng.

²²Levi atum amar lapen rongsopi amar, rechoso kechepahemphu amar angbong si dopo. Rechoso apharman ke Judah lapen Benjamin alongri angbong si dopo.

²³Ahin akhei atum an aphan ke: Nihang pen nichi an, Benjamin apharman isilo.

²⁴Benjamin alongri adung arei, nihang pen nichi an, Simeon, apharman isilo.

²⁵Simeon alongri adung-arei, nihang pen ha nichi an, Issakar, apharman isilo.

²⁶Issakar alongri adung-arei nihang pen ha nichi an, Zebulun, apharman isilo.

²⁷Zebulun adung-arei alongri, nihang pen nichi an, Gad apharman isilo.

²⁸Gad alongri adung-arei, nitur an, ahoi lake Tamar pen Meribath-Kadesh alang-roi-heihei, lapen Ijip alangjeng soding pen ha Talo Thepi an.

²⁹Israel akhei atum angbong nang kethak nangji alongle kechepahemphu-verji a-longle la helo, lapen lahei helo HEMPHU keputang apharman alongle lo.

³⁰Rongsopi pen kebar atovar-heihei lahei helo: Nirep anat ingrup 4500 apun donangpo,

³¹kethom anghappi dopo, Reuben Anghappi, Judah Anghappi, lapen Levi Anghappi, lapen rongsopi anghappi-heihei Israel akhei amen ateng si amen irpo.

³²Nihang anat ke ingrup 4500 apun donangpo, inghappi kethom donangpo, Joseph anghappi, Benjamin anghappi, Dan anghappi.

³³Nitur anat ta apun ingrup 4500 dopo, inghappi kethom dopo, Simeon anghappi, Issakar anghappi, lapen Zebulun anghappi.

³⁴Nichi anat apun ingrup 4500 dopo, inghappi kethom dopo, Gad anghappi, Asher anghappi, lapen Naphtali anghappi.

³⁵rongsopi komjai avaikang pangrumpet ingrup 18,000 dopo. Lapen nonpen rongsopi amen ke, HEMPHU ladak dolo, pusi irpo.