Read Karbi EZEKIEL 6 Bible Online

EZEKIEL 6 - Karbi bible

EZEKIEL 6

¹Neliphan HEMPHU pulo.

²“Monit asopo,” Alangli pulo, “Israel anglongpi-heihei anat langtha, lapen lahei aphan Ne birta pinon.

³HEMPHU alam keparjujile inglongpi-heihei aphan, inglongso-heihei aphan, lang-lom-heihei, lapen arlok-heihei aphan Ne, keklem un a-HEMPHU kepu alam keparjujile Israel anglongpi-heihei aphan thannon: Kumlin kardom adim-heihei kepavirjisi Ne nokjir toiji.

⁴Dovan-heihei lapen hijung aphik kethor adovan ingsek iji. Latum akumlin angno hadak kedo-an arat aphan pathilapji.

⁵Ne Israel arat kethi arpum hijikjamji; Dovan-heihei adung arei latum areppi hijikjamji.

⁶Israel arongsopi kedo-an pavirdetpo, anke latum adovan an lapen akumlin ingjedun-i po, latum kethor hijung aphik adovanta pangje-i-po lapen latum kepinchong an asonta avedetpo.

⁷Bithe bitha ta monit thi-prepo, lapen kerenglang atum anta Ne helo HEMPHU-lo pu chinipo.”

⁸Ajehak aphan Ne kethu-kethat pen pajokji, lapen det atum angbong papratseipo,

⁹hadak latum bang adet ban donangpo. Hadak latum Nephan chemathapo lapen Ne si latum aphan aduk kepilo lapen pinremlo pu latum chinipo, pima latum akekroithipthe aningsi Nephan Ne-olo lapen Ne pen apar kumlin-heihei si aning hangrong-lo, latum amethangsi chepahijimpo pima kehingno lapen kesungbom akam latum keklem pon apot.

¹⁰Ne si HEMPHU lo pu latum chinipo, lapen Ne kepacheretoi-heihei kepaphere jongjong kali pu chinipo.

¹¹Keklem un a-HEMPHU pulo, “Nangri hongni chepasimnon! Nangkeng saknon! Ningduk pen chiru non pima kehingno an, kehijimmeme akam an Israel atum keklem apot. Latum ron along thiji, akhim pen ajok, lapen keso pen ajok thipo.

¹²Kehelo kedo atum soji, lapen thiji, kerenglang atum kangchir pen thiji. Latum Nening kethi arsem an long po.

¹³Kumlin-heihei lapen dovan-heihei akung arei kethi abang arpum hijikjam po, inglong kangtui athaktin, inglongpi athaktin, kelirtir athengpi arumtin, phongrongpi arongtin latum kumlin-heihei aphan athok kephrin alongtin hijikjampo. Anke abangphutinta Ne si HEMPHU-lo pu chinipo.

¹⁴Kalang, Neri chirungsi Ne latum adet pavirji. Nitur asangtimili pen Riblah arongsopi nirep anat an Ne rongman pinchong po, Israel aso atum kedo alongtinta pajokjelo. Anke abangphutinta Ne helo HEMPHU pu chinipo.”