Read Karbi HOSEA 11 Bible Online

HOSEA 11 - Karbi bible

HOSEA 11

¹HEMPHU pulo, “Israel oso chedap ahut Ne la aphan chinghonlo lapen neso asonsi Ijip adet pen hang-lo.

²Bonta ko-anma Ne la aphan kehang, la-ansi la Ne pen chepahelolo. Nerat atum Baal aphan arklilo, latum kumlin-heihei aphan mephik thorlo.

³Tebonseta Ne si Israel aphan akeng kechejor thanlo. Ne rat aphan Ne arbak-lo , bonta Ne si latum aphan lanalo pu latum chinine.

⁴Kanghon pen Ne latum aphan vung-lo. Ne latum aphan humlo lapen Ne ing-om along padolo; Ne latum anat ingkupdi si latum aphan pacholo.

⁵Latum Ne long kevangthuji aphan ninghanghe, lasi latum Ijip damthuvek nangji; lapen Assiria latum aphuthak recho chopo.

⁶Latum arongsopi-heihei angbong ron dampo lapen rongsopi anghap-heihei chekdakpo. La Ne rat pavirpo, pima latum amethang methang kemenei lo pu mathasi klem.

⁷Latum Ne pen chepahelover jisi klem, latum aputhak arthang kardik apot hangserji bonta baduta latum aphan la rungdunhurhelo.”

⁸“Kosonsi Ne nang-o-poma, Israel? kosonsi Ne nang-panungkuk poma? Admah aphan kepavir ason nangtum aphan kosonsi Ne nangpavirpoma mate Zeboiim aphan keklem ason keklempoma? La keklemji nening pahanghe! Ne nangtum aphan kechinghon thepik.

⁹Ne ningkethi pen nangtum aphan aduk pipe, Israel aphan Ne puthot pavirve, Pima Ne Arnam, monit kali. Ne kangthir-et Abang, nangtum along dolo. Ningkethi pen Ne nangtum along vangve.”

¹⁰“Ne latum ahotur aphan hingho ason kangnor ahut Nerat atum Nephi phi Nedunpo. Nijang anat pen latum Ne anat vang serak serakpo.

¹¹Latum Ijip ahin pen vo kevang ason prapjin pen vangpo, lapen vothung asonsi Assiria pen vangpo. Ne latum ahem-heihei anat puthot vangthupo, Ne HEMPHU-si pulo.”

¹²HEMPHU pulo, “Israel arat atum kepacherei lapen kepachobei pensi Nephan kompet-lo, lapen Judah arat ke Ne kekroithirklong lapen Kangthir-et a-Arnam abe thurbomlang.”