Read Karbi HOSEA 14 Bible Online

HOSEA 14 - Karbi bible

HOSEA 14

¹Israel arat atum, nang Arnam HEMPHU along chiruinon. Nang pap si nangtum aphan patekungtoi lapen paklilo.

²HEMPHU anat chiruinon lapen lasonle nangtum akardom alangliphan athok paplangnang: “Netum apap kedo-an diyatha lapen netum akechoningri dengtha, lapen netum kechechaktang ason netum nangchoroji.

³Assiria netum aphan kaita pajok un-e, lapen la ron aloseita nepajok un-e. Netum kumlin-heihei aphan netum a-arnamlo pu hanghelo, O HEMPHU, kepangnoji adim kavepin atum aphan nangli ingjinso paklangtha.”

⁴HEMPHU pulo, “Nerat aphan Nelong chevanthuji. Nening do-an pen Ne latum aphan chinghonpo; Ne latum aphan ning thithelo.

⁵Israel arat aphan Ne kekrengtai alongle ajo arve kejang ason plangpo. Latum mir angphar asonsi pangpharpo; Lebanon adet athengpi arong ason latum angkur chesakthippo.

⁶Kethemi pen latum rengpo, lapen arong asonsi langmepikpo. Lebanon adet kedar athengpi asonsi angnim dokjokpo.

⁷Latum puthot Ne keraikom angbongsi dopo, lapen sok cho-epo, lapen drakha arong athe pathe-o asonsi chanpo. Latum Lebanon adrakha alang anongkethe asonsi anongthepo.

⁸Israel arat atum kumlin-heihei pen thangta cherap-re detpo; Ne latum akardom thakpo lapen latum aphan orapo. Arvo kangjuije athengpi arong asonsi Ne latum aphan pinchongpo Ne si latum kedo-an ahirjume atiri plangpo.”

⁹Kereset atum ladak ketoktang an patheknang, lapen latum la aning chebi; HEMPHU atovar-heihei chokpet, lapen kechokpet arat atum la kekroi pensi rengji, Bonta pap atum patekung lapen kli, pima lahei latum kroikre.