Read Karbi HOSEA 5 Bible Online

HOSEA 5 - Karbi bible

HOSEA 5

¹Bangso alamle arjunon, O kurusar atum, No chedennon, O Israel akhei! pima nangtumsi ahokpet kangsai nangji atumlo. La apotsi nangtum aphuthak nang-ingsaipo, pima nangtum Mizpah angbong aphamlo lapen Tabor anglong athak kete alanlo.

²Lapen latum Shittim ahilik parnuk-si tuktang-lo; bonta Ne kadokave aphan ta adukpipo.

³Ephraim aphan Ne chini, lapen Israel Ne pen chepatu un-eh pima Non O Ephraim nang akhat-kave akam klemtang-lo, lapen laso arat atum Nephan karchoji a-ot avelo.

⁴Latum akehingno akam-heihei latum a-Arnam along kecheruiji aphan avarsai pipedet-lo. Pima mek-langno akarjongsi latum along dolo, lapen latum HEMPHU aphan chininedet-lo.

⁵Israel atum kecheparoka ke amethang aphansi haki chepi, Ephraim atumta amethang ado pen apot patekungpo, Judahta latum pen pen patekungpo.

⁶Latum biresak lapen chainong ahur pen damsi HEMPHU aphan ripo, bonta latum Alangliphan longlelo; pima latum pen Alangli che-otang-lo.

⁷Latum HEMPHU aphan kroihoilo, athe latum asomar sorongrosi chopathelo. Latum apotsi non achiklo kemi latum ahavar pen pen latum aphan chodetpo.

⁸Libiah angbong ron apong-ut butnon. Ramah angbong pachere arki butnon, Bethaven along ron kehang ase pen hangnon Ron along vangnon O Benjamin akhei!

⁹Aduk-kepi arni Israel adet ke rongman ason manpo; Israel akhei angno kopisi plangvekjima Ne pachinidak-lo.

¹⁰HEMPHU pulo, “Ne ningthelo pima Judah kejalin atum Israel aphan tengkheng-lo, lapen la pen longle thi-lo, la apotsi latum aphuthak langthepi asonsi aduk-kepi pavangpo.

¹¹Israel kechenek chechak nang-lo; La kelong nangji alongle chepangbo nang-lo, pima kerap kepi thekthe atum pensi la kerap kelongjisi chodamverlo.

¹²La apotsi Ne Israel aphuthak kevir vanpo lapen Judah arat aphuthak parupo.”

¹³Israel la kesodet lapen Judah amethang amek-heihei kechethek-long ahut, Israel ke Assiria arechokethe along damsi kerap chohang-lo, tebon seta la latum akeso lapen amek-heihei pame un-e.

¹⁴Ne hingho ason Israel lapen Judah arat aputhak tengkhengpo. Ne latum aphan ingsek si pabeng-ipo, lapen latum aphan obubpo. Ne latum aphan pondet ahut latum aphan baduta pajok un-edetpo.

¹⁵Latum latum apap-heihei apot ado chechinine-tik lapen Nephan latum Nerire tik Nerat aphan obubji. Anke latum kesung apot latum Nephan kelongjisi ri bor-ipo tahai.