Read Karbi HOSEA 6 Bible Online

HOSEA 6 - Karbi bible

HOSEA 6

¹Rat atum pu, “Ili HEMPHU along chevoithulo nang! Alangli iliphan pasung-lo, bonta Alangli ephan epamevekji; Alangli ephan amek padolo, bonta Alangli elitum amek hei hei phanpo kalima?

²Nini-nithom aphi alangli ephan parengthupo, lapen Alangli ingno ili rengpo.

³HEMPHU aphan kechinijile ili bor-ilonang Arni kevang asonthakthak lapen ningkreng arve jongsi pirthe lang kepacham ason thak thaksi Alangli ilitum along vangvekji.”

⁴Bonta HEMPHU pulo, “Israel lapen Judah nangtum aphan Ne kopi klem nangjima? Nephan nangtum akanghon ke adap a-inghun-melan kekakdap asonsi avetang-lo lake adapprang kekrengdap a-ar-e asonlo.

⁵La apotsi Ne montri atum ne kangsai lapen kevir abirta pen Ne nangtum anat nangtoilo. Ne nangtum pen kopi hang-loma lake kengset lapen keklangdak:

⁶Ne nangtum pen larlepin akanghonsi keri, nangtum athok ajir kali, lapen Nephan kephrin-i athok apar Nerat atum Nephan kechiniji keri ningdokmulo.”

⁷“Bonta latum Adam alongle kelut pen amat Ne pen latum angbong kechejok aron latum ingditang-lo.

⁸Gilead isi kehingno lapen apran karmut amonit atumsi plengset arongsopilo.

⁹Kurusar atum ke monit aphan kephangnojisi ketonding kethiparohum atum asonlo, Shekem adim kangthir anat kedam atovar along jokta latum pran-armut. Lapen latum lahei akehingno akam klemponbom.

¹⁰Israel angbong hijimmemepik akam Ne thek-long-lo: Nerat atum kumlin-heihei karcho pen ajok amethang chepasa-urlo.”

¹¹“Lapen nangtum Judah arat aphanta nangtum keklemtang akam apot nangtum aphan aduk-kepijisi Ne isi apor thiktang-lo.”