Read Karbi HOSEA 9 Bible Online

HOSEA 9 - Karbi bible

HOSEA 9

¹Israel arat atum karkli pangtar atum ason arong-aje chepirinon. Nangtum nang Arnam pen chepahelotang-lo, lapen Alangliphan kroithipthe pinlo. Det adang an nangtum abang-kechejor a-arloso asonsi nangtum methang Baal arnam aphan chejorlo lapen lasi nangkepilo pu asok aphan inghonparlo.

²Bonta nangtum asok lapen jit ajangthu dorde dapprangpo, lapen drakha alangta avedetpo.

³Israel arat atum HEMPHU alongle along dover thekthedetpo, bonta Ijip anatsi damthu nangkokpo lapen Assiria along kechonangne ason chonangkokpo.

⁴Bang-adet latum drakha alang athok-heihei lapen latum karkli athok-heihei HEMPHU along vanthekthedet-po. Thiri along an kecho asonsi latum a-an kecho abangphutin aphan pasa-urpo. Lahei ke latum akangchir kepameji aphansi rimchotpo; lahei baduta HEMPHU akardomhem along kethokji aphan ponpelo.

⁵Kethiktang rong-aje arni ahut lapen HEMPHU kecho-kejun arni ahut nangtum kopi klemji?

⁶Kesung vangpo lapen rat atum pratjampo, lapen Ijip atum pangrumpo, lapen Memphis along Kepipjisi la pangrumpo. Latum rup khipuru-heihei lapen aphrang hem keparjaptang adim-heihei bap lapen ingsu arong-heihei si rapthippo.

⁷Aduk-kepiji apor nangletang-lo, lake rat atum kopisi kechoklem ma la athe kelong nangji ahut-lo. La keplang ahut Israel atum chinipo! “Laso amontri” nangtum kepu, “La ke inut akelu. La monit aphan kangthirthe anat aning parung-lo. Nangtum Nephan hijimpik-lo, athe nangtum apap thepik.

⁸Arnam nephan montri asonsi amethang Israel arat aphan kepacherejisi nangchetoilo. Seta Ne kedam aling, voso aphan kenep asonsi nephan kenepji bor-ilo. Arnam kardom ahem along seta rat atum montri ahotur plang-lo.

⁹Gibeah along latum keklem ason, latum keklem lake thangnat ningkethe kavepin akehingno akamlo. Arnam latum apap lakhasi latum aphan adukpipo.”

¹⁰HEMPHU pulo, “Ne Israel aphan kelongcheng ahut, lake kejejangtang ajo drakha arong kethe ason. Nangtum aphusar atum aphan kethek-longcheng ahut lake thebo athe asek ahut kepathecheng athe asonlo. Bonta latum Peor anglong along vang-lo lapen latum Baal aphan archorong-lo, lapen latum a-arnamso aphan aphrang kechinghon ateng kalidet-lo.

¹¹Israel anongkethe ke vokangjar asonsi ingjarchorpo, lapen latum angbong asomar amahang kethek avedetpo, areng angsese a-arloso avedetpo, aso chopathe a-arloso avedetpo.

¹²Bonta latum osomar chopathe seta Ne latum aphan pon-etji, lapen inutbak aphanta pareng longledetji, Ne halabangso arat aphan ke-o ahut pherememe ason latum aphuthak vanpo.”

¹³Hemphu, latum asomar aphan keri kepathi ne thek-long-lo.

¹⁴Labangso arat aphan nang keklem nangji akam kopisi choningri poma? Latum a-arloso aphan aso pavedetnon! lapen asomar pachelana thekthedetnon!

¹⁵HEMPHU pulo, “Gilgal alongsi latum kehingno akam keklem cheng-lo. Hadaksi Ne latum aphan hijim pangcheng-lo. Lapen latum kehingno akam keklemtang apot Ne latum aphan Ne longle pen phlungjuipo. Ne latum aphan mo seta inghonhelo, latum ajalin kedo-an Nebe thurlo.

¹⁶Israel arat ke angkur kekrenghak lapen athe kepathethe athengpi arong ason. Latum asomar avedetpo, jongsi do seta Ne latum kechinghonnei abangphan pathilotpo.”

¹⁷Ne kangduk a-Arnam ke amethang arat aphan dengdelo, pima latum Alangli lam arjuje, latum det-heihei angbong chongvir nangpo.