Read Karbi AMOS 1 Bible Online

AMOS 1 - Karbi bible

AMOS 1

¹Judah arecho Uzziah ahut lapen Joash asopo Jeroboam Israel arecho ahut, chikli kevang ningkan hini aphrang Tekoa arong biresak kevi atum angbong Amos alamjir-heihei Israel aputhak alangli thek-longsi

²lapen alangli pulo: “HEMPHU Zaion pen ingrong-lo, lapen Jerusalem pen Alangli ase pathelo; biresak-kevi atum pachopan adim-heihei chiru lapen Karmel anglong chekedulo.”

³HEMPHU lasonsi pulo: “Damaskas sonthom aron kangdi apot, lapen phli apot, Ne aduk kepiji pavedetdelo; pima latum Gilead aphan sok kesi-i ingchin adang pen silo.

⁴Lasi Hazael ahem aphuthak Ne si ame toipo, lapen Benhadad apaisong-heihei me pachodetpo.

⁵Ne Damaskas angkir ing-lokpo, lapen kedo atum Aven arlok pen pavirpo lapen Betheden pen ke-otdong recho achin abang aphanta pavirpo; lapen Siria arat Kir arong anat ban damnangpo,” pusi HEMPHU pulo.

⁶HEMPHU lasonsi pulo: “Pima Gaza sonthom aron kangdi apot, lapen songphli apot, Ne aduk kepiji pavedetdelo; Pima latum Edom atum arideng kehodaijisi do-an arat ban nepponlo.

⁷La apotsi apai aphuthak Ne isi ame toipo lapen la labangso apaisong-heihei me chodetpo.

⁸Ne Ashdod asor atum lapen Ashkelon arecho achin ke-otdong abang aphanta pavirpo; Ne Ekron abe thursi Ne ri jarhampo lapen ahin kedolang Philistia atum virdetpo,” pusi HEMPHU Arnam pulo.

⁹HEMPHU lasonsi pulo: “Tair sonthom aron kangdi apot, lapen sonphli apot, Ne aduk kepiji pavedetdelo; pima latum kedo-an arat Edom anat hodai et apot, lapen akorte hijan kechepajok alam chematha-thuthedet-lo.

¹⁰La apotsi Ne Tair apai aphuthak isi ame toipo, lapen la labangso apaisong-heihei chodetpo.”

¹¹HEMPHU lasonsi pulo: “Edom sonthom aron kangdi apot, pima sonphli apot, Ne aduk kepiji pavedetdelo; pima alangli nokjir pen akorte aphi phi hungdunlo, lapen akangjinso pavedet-lo, lapen alangli ningkethi tengnenepinsi chingsek-lo, lapen kaiketa alangli ning kethi biverlo.

¹²La apotsi Ne Teman aphuthak isi ame toipo, lapen la Bozrah apaisong-heihei me chodetpo.”

¹³HEMPHU lasonsi pulo: “Ammon atum sonthom aron kangdi apot, lapen pima sonphli apot, Ne aduk kepiji pavedetdelo; pima latum det ahoi keparlojisi Gilead along aso kedo a-arlosomar atum apok latum siridak-dak-lo.

¹⁴La apotsi Ne Rabbah apai aphuthak me keipo lapen la labangso apaisong me chodetsi ron kechedan arni ahut kehang pen hangjopo, bangso tomon hanchove arni ahut tomon tipri dopo.

¹⁵Lapen latum arecho ban dam nangpo, alangli lapen alangli rechoso atum pen pen dam rappetpo,” pusi HEMPHU pulo.