Read Karbi JONAH 2 Bible Online

JONAH 2 - Karbi bible

JONAH 2

¹Ansi Jonah lang-a-ok apok arlo pen alangli Arnam HEMPHU aphan ardomsi pulo,

²“Ningduk pen ne HEMPHU aphan hang-lo, lapen Alangli ne-thak-lo; Chom apok arlo pen ne hang-lo, lapen Alangli nese arjulo.

³Pima arnuk-krung arlosi Nang nephan varlo, talo-heihei angbong arlo, langthepi nekomchenlo; Nang lang adihu an lapen Nanglang angring an nephuthak damtang-lo.

⁴Ansi ne pulo, ‘Nephan Nang ingno pen vartang-lo, kopusi ne puthot nang kardomhemthepi kangthir thek-longpoma?’

⁵Lang-heihei nephuthak vangpet-lo, karnuknei alang nephan komchenlo; lang abap-heihei nephu ingnang-lo.

⁶Inglong-heihei akeng-ri along ne longle anat hirtuk-lo la kaike aphan nerangkhapet-lo seta hilik pen Nang neparengthulo, O HEMPHU ne Arnam.

⁷Ne karjong ne-ok arlo thirengjeng un ahut, ne HEMPHU aphan chemathathulo; lapen ne kardom Nanglong vang-lo, nang kardomhemthepi kangthir arlo.

⁸Ale kavedet akumlin-heihei aphan kekroi atum halatum ahok akekroithip che-olo.

⁹Bonta neke kechoro ase pen Nangphan karkli athok pipo; ne kechechaktang ason tupo. Kejok ke HEMPHU alongsi do!”

¹⁰Lapen HEMPHU Okpi aphan pulo, lapen la Jonah aphan longle kekreng-dang ajo ching-okchorlo.