Read Karbi JONAH 3 Bible Online

JONAH 3 - Karbi bible

JONAH 3

¹Ansi batai hini aphong HEMPHU alam Jonah along vangsi pulo,

²“Thurra Nineveh rongsopi kethe along damnon lapen Ne nangkepu abirta hadak pachethang damnon.”

³Lasi Jonah thurlo, lapen HEMPHU kepu alam atengsi ha Nineveh damlo. Nineveh ke isi thedung arongsopi, arpan dongput setta la nithom atovar.

⁴Jonah arnisi atovar rongsopi nanglut si kedam cheng-lo. Lapen alangli ase kethe pan hang-lo; ni phlikep an dolang, lapen Nineveh pavirdetpo!

⁵Lapen Nineveh arat atum Arnam aphan kroilo; halatum isi an-kehum pachethang-lo, lapen akethe pen ha akebi an pethoila latum che-umlo.

⁶Ansi birta-heihei Nineveh arecho along lelo, lapen alangli recho anghoi pen thursi alangli methang ape chephloksi pethoila che-umlo lapen thek-lo aduk ajo ingnilo.

⁷Lapen alangli pachethang-lo lapen Nineveh pen pachinilo, “Recho lapen arlengkethe atum ketoi alam; monit tame, aroi api ahur tame, kevi api ahur tame, thangnata pachomatme nang; latum cholongle, lapen jun longle,

⁸bonta monit lapen pi ta pethoila pache-um nang, lapen Arnam aphan jasemet-le pahangnang; ahok abangphutin amethang kehingno atovar lapen arideng-heihei kephangno akam pen pache-o nang.

⁹Komatchini, Arnam aning chirui tahai mene lapen Alangli aningkethipik pen chetevarsi ilitum vir jokphlot tahai mene?”

¹⁰Halatum kopi klemtang-loma, kosonsi halatum kehingno atovar pen halatum che-olo, la Arnam thek-long-lo, Arnam aning chiruisi Alangli halatum aphan kehingno keklemji pu kepu la Alangli klemledet-lo.