Read Karbi JONAH 4 Bible Online

JONAH 4 - Karbi bible

JONAH 4

¹Bonta la Jonah aphan aning padokdedet-lo, lapen alangli aning-thihak lo.

²Lapen alangli HEMPHU aphan ardomlo lapen pulo, “Ne nang ardomlo, HEMPHU, ne nemethang adet kedolang ahut ne bangso alam pulo, kalima? La apotsi ne Tarshish anat kekat paprap-lo, athe ne chini, Nang inut Kanghonthek lapen kangjinsothek Arnam, ningkethi kanglen lapen kanghon o-e pen plengset lapen phangnonepin pensi Nangning kecherui Abang.

³La apotsi non, O HEMPHU ne chethe ne pen pondetnon, ne nangchoningri lo, pima ne kereng aparte kethi la nephan memu.”

⁴Lapen HEMPHU pulo, nang ningkethi me-oma?

⁵Ansi Jonah rongsopi angtan damsi lapen rongsopi anihang anat ingnilo, lapen hadak pharla chekimlo. Alangli laso arum abin along rongsopi aphan keplang nangji ason thek-longle tik chongnilo.

⁶Lapen HEMPHU Arnam kejir arong pathik-lo, lapen kedono pen kepajokjisi Jonah aphu angsong jirpamesi aphu pabinlo. Lasi Jonah chehokpik-lo, laso arong pen apot.

⁷Bonta puthot arni kevang ahut, Arnam ejon a-ingki pathik-lo, la arong cholo amatsi la chekedulo.

⁸Arni kethur ahut sopik atomon Arnam pathik-lo, lapen arni Jonah aphu athak turlo lapen amat la thirengjeng-lo; lapen alangli kethijisi chohang-lo, lapen pulo, “Kereng aphante nephan kethi memulo.”

⁹Bonta Arnam Jonah aphan pulo, “Nang bonglang arong aphan ningkethi me-oma?” Lapen alangli pulo, “Ne ningkethi mesenlo, lapen thipin an tame ning thiji.”

¹⁰Lapen HEMPHU pulo, “Ningve isi angbong kepatheji lapen ningve isi angbong la kevirdetji aputhak nang thangnat chepadukde ta nang la aphan ingjinsolo.

¹¹Tangte suri pharo isira ingkoi amuluk kedo lapen ongdung achainong kedo, halatum ar-e pen arvi kedo atum chechinine arongsopi kethe Nineveh aphan Ne jinsosedet nangjima?”