Read Karbi KELAKHA 1 Bible Online

KELAKHA 1 - Karbi bible

KELAKHA 1

¹Israel atum Ijip ke-o hini aningkan hini achiklo kecheng arni, Sinai akejejangtang ajo Alangli kedo A-pehem along Moses aphan HEMPHU pulo,

²“Nang lapen Aaron Israel arat aphan aro aro lapen ahemtun ahemtunle aphai lakhanon. Pinso atum an amen tok-etnon,

³ningkan ingkoi arta mate arta kelitchot ron kechedan thek atum.

⁴Nangtum aphan keparapjile isi akhei pen arleng kesar hangnon.”

⁵Lahei amonit atum helo nangtum along cherapdunpo. Reuben aro pen Elizur, la Shedeur asopo;

⁶Simeon aro pen Shelumiel, la Zurishaddai asopo;

⁷Judah pen Nahshon, la Amminadab asopo;

⁸Issakar pen Nethanel, la Zuar asopo;

⁹Zebulun pen Eliab, la Helon asopo;

¹⁰Joseph asomar atum pen, Ephraim pen Elishama, la Ammihud asopo; Manasseh pen Gamaliel la Pedahzur asopo;

¹¹Benjamin pen Abidan, la Gideoni asopo;

¹²Dan pen Ahiezer, la Ammishaddai asopo;

¹³Asher pen Pagiel, la Okran asopo;

¹⁴Gad pen Eliasaph, la Deuel asopo;

¹⁵Naphtali pen Ahira, la Enan asopo.

¹⁶Lahei atum ke rat pen kangvaitang amonit-lo, akheitin pen ajalin atumlo, Israel angbong arleng kesar atumlo.

¹⁷La bangkrehini kerap amonit pen Moses lapen Aaron rat atum kadokave aphan hini achiklo kecheng arni hangpet-lo,

¹⁸lapen kedo-an arat atum arotin lapen adontin abangphu aphai chetok-et-lo. ningkan ingkoi arta mate la-an sosechot atum amen an tok-et-lo

¹⁹lapen lakha-et-lo la HEMPHU hukum kepi ateng-lo. Sinai akejejangtang ajo alongsi rat aphan Moses amen tok-lo.

²⁰Reuben arat aso atum, Israel aso-akleng, latum a-ove-heihei, latum ahemtun-heihei pen ajok, aphusar atum ahem-heihei pen ajok, amen aphai ateng pen abangphutin, abangphutin ningkan ingkoi mate la an sosechot arta apinso atum aphan, lapen ron kechedanthek an aphan lakhalo:

²¹Reuben akhei aphai bang suri phlikep-ra pho ra pharopho.

²²Lasonsi Simeon akhei pen latum a-ove-heihei, ahemtun-heihei, aphusar atum ahem-heihei an aphai en-et-lo.

²³Ron kechedanthek an arta ningkan ingkoi mate la an sose arta apinso atum aphai Simeon akhei pen suri phokep ra sirkep ra pharo kethom abangphu.

²⁴Gad arat a-ove-heihei, latum ahemtun-heihei, aphusar atum ahem-heihei, latum aphai lapen amen ningkan ingkoi mate la an sosechot arta apinso ron kechedanthek atum an:

²⁵Kadokave amen Gad akhei pen bang suri phlikep-ra pho ra bang pharo kethom ra phokep an dolo.

²⁶Judah akhei, latum a-ove atum an, latum ahemtun-heihei, latum aphusar atum ahem-heihei, latum amen aphai ateng pen, ningkan ingkoi mate sosechot ron kechedanthek an aphai lakha-et-lo.

²⁷Judah akhei aphai bang suri throksi kep-ra phli ra bang pharothrok.

²⁸Issakar akhei, latum a-ove an, latum ahemtun-heihei, latum aphusar atum ahem-heihei ateng pen amen aphai ningkan ingkoi mate la-an sose arta apinso atum ron kechedanthek atum aphan aphai en-et-lo:

²⁹Issakar akhei pen aphai bang suri phokep-ra phli ra bang pharophli.

³⁰Zebulun akhei, latum a-ove an, latum ahemtun-heihei, latum aphusar atum ahem-heihei ateng pen amen aphai ningkan ingkoi arta lapen la an sosechot arta apinso atum ron kechedanthek aphai en-et-lo:

³¹Zebulun akhei pen amen aphai bang suri phokep-ra throksi ra bang pharo phli.

³²Joseph mate Ephraim akhei, latum a-ove an, latum ahemtun-heihei, latum aphusar atum ahem-heihei ateng pen amen aphai ningkan ingkoi arta mate la an sosechot arta apinso ron kechedanthek atum aphai en-et-lo:

³³Ephraim akhei amen aphai bang suri phlikep-ra pharopho.

³⁴Manasseh akhei, a-ove an, latum ahemtun-heihei, latum aphusar atum ahem-heihei ateng pen amen aphai arta ningkan inghoi mate la-an sosechot arta pinso amonit ron kechedanthek atum aphai en-et-lo:

³⁵Manasseh akhei amen aphai bang suri thomkep-ra hini ra bang pharo hini.

³⁶Benjamin akhei, latum a-ove an, latum ahemtun-heihei, latum aphusar atum ahem-heihei ateng pen amen aphai ningkan ingkoi arta mate la an sosechot arta pinso amonit ronkechedanthek atum aphai enlo:

³⁷Benjamin akhei amen aphai bang suri thomkep-ra pho ra pharo phli.

³⁸Dan akhei, latum a-ove an, latum ahemtun-heihei, latum aphusar atum ahem-heihei, ateng pen amen aphai arta ningkan ingkoi mate la an sosechot arta kedo apinso ron kechedanthek atum aphai enlo:

³⁹Dan akhei aphai bang suri throkkep-ra hinira bang pharo throksi.

⁴⁰Asher akhei, latum a-ove an, latum ahemtun-heihei, latum aphusar atum ahem-heihei ateng pen amen aphai arta ningkan ingkoi mate la-an sosechot arta kedo apinso ron kechedanthek atum aphai enlo:

⁴¹Asher akhei aphai bang suri phlikep-ra isi ra bang pharopho.

⁴²Naphtali akhei, latum a-ove an, latum ahemtun-heihei, latum aphusar atum ahem-heihei pen amen aphai arta ningkan ingkoi arta mate la-an sosechot arta apinso ronkechedanthek atum aphai enlo:

⁴³Naphtali akhei aphai bang suri phokep-ra kethom ra bang pharophli.

⁴⁴Bangkrehini ajalin, abangphutin ta apo ahem pensi nangchetoidun lo, latum akerap pen Moses lapen Aaron rat aphai lakhalo.

⁴⁵Lasi Israel aphai kadokave, latum aphusar atum ahem-heihei, ningkan ingkoi arta mate la an sosechot apinso ron kechedanthek atum an

⁴⁶latum aphai bang lak throk-ra suri kethom ra pharopho ra phokep.

⁴⁷Bonta Levi aso aphan ke latum aphusar atum akhei ateng aphai lakhakhedet-lo.

⁴⁸Pima Moses aphan HEMPHU pulo,

⁴⁹“Levi akheile nangli lakhakhechotnon, lapen Israel angbong latum aphan nangli aphai lakharinon;

⁵⁰bonta haki kedo ahem aputhak lapen la amar aputhak lapen la amar an aputhak kelangjile batnon; latum la ponpo lapen la aphan ingdukpo lapen latum amukam-heihei la komchen chekimpo.

⁵¹Nangtum amukam kecheterek ahut, Levi atumsi la phripo lapen akemi adim la kimparjappo. Badutame Pehem adung kevang aling abangphan ke pathilotpo.

⁵²Akaprek Israel aso atum ke asong asong pensi mukam chekimpo, abangphutinta amethang asong along chedopo, lapen halatum anisan aber ahem chekimreppo.

⁵³Bonta Levi atum ke Pehem keraijisi la akung mukam chekimreppo, anke baduta adung vangvedetpo lapen Nening kethi Israel asong aphuthak klokledetpo.”

⁵⁴Lasi Israel atum HEMPHU Moses aphan kopisi hukum kepima klemlo.