Read Karbi KELAKHA 2 Bible Online

KELAKHA 2 - Karbi bible

KELAKHA 2

¹Moses lapen Aaron aphan lahei HEMPHU pinkhat-lo.

²Israel atum mukam keparjap ahut, abangphutin apinso amethang asong lapen aro alama aber si amukam chekimnangji. Pehem komchensi mukam chekim nangji.

³Arnikevang nihang anat mukam kechikim atum anke Judah akhei halatum asong ateng. Judah akhei ajalin Nahshon, la Amminadab asopo,

⁴la asong aphai suri throksi kep-ra phlira pharo throk abangphu.

⁵La adung ke Issakar akhei atumsi chekimpo, Issakar ajalin ke Nethanel, la Zuar asopo,

⁶latum aphai bang suri phokep-ra phlira pharophli.

⁷Adunthu Zebulun akhei, Zebulun-arat ajalin ke Eliab, la Helon asopo

⁸laso asongta aphai bang suri phokep-ra throksira pharo phli.

⁹Judah amukam aphi, halatum asong-heihei pangrumpet lak isira suri throknerkep-ra throk-ra bang pharophli. Latumsi dam paphrangpo.

¹⁰Nitur anat mukam kechekimji atum ke Reuben akhei, latum asong-heihei, la Reuben akhei arat ajalin ke Elizur, la Shedeur asopo.

¹¹La asong aphai bang suri phlikep-ra throk ra bang pharopho.

¹²Lapen alanglidun kechekim dunji atum ke Simeon akhei, Simeon akhei ajalin ke Shelumiel, la Zurishaddai asopo,

¹³laso asong aphai suri phokep-ra sirkep ra pharo kethom.

¹⁴Adunthu Gad akhei, Gad akhei ajalin ke Eliasaph, la Reuel asopo,

¹⁵laso asong aphai suri phlikep ra pho ra pharo throk ra phokep.

¹⁶Reuben kadokave amukam aphai latum asong-heihei ateng lak isira suriphokep ra isi lapen pharophli ra bang phokep. Adunthu latum si bar nangpo.

¹⁷Anke kechetongji apehem mukam-heihei angbongchitim Levi atum amukam penpen ponrappetpo; lasonsi latum mukam chekimdet aphi latumta barpo, asongtinta kedo kethak nangji aron atengpen dopo.

¹⁸Nichi anat ke Ephraim akhei, latum asong-heihei dopo, Ephraim akhei ajalin ke Elishama, la Ammihud asopo,

¹⁹laso asong ke aphai bang suri phlikep-ra pharopho.

²⁰Laso asong adunthu ke Manasseh akhei, Manasseh akhei ajalin ke Gamaliel, la Pedahzur asopo,

²¹laso asong aphai bang suri thomkep-ra hini ra pharohini.

²²Laso aphi Benjamin akhei, Benjamin akhei ajalin ke Abidan, la Gideoni asopo,

²³laso asong aphai ke bang suri thomkep-ra pho ra pharophli.

²⁴Ephraim akhei asong ateng pen aphai kadokave Lak isira suri nerkep-ra pharo isi. Kethom aphong ke alanglitumsi dampo.

²⁵Nirep anatthu lake Dan akhei lapen latum asong-heihei, Dan arat ajalin ke Ahiezer, la Ammishaddai asopo,

²⁶la asong aphai bang suri throkkep-ra hini ra pharo throksi.

²⁷Lapen laso adung mukam kechekimdunji atum ke Asher akhei, Asher akhei ajalin ke Pagiel, la Okran asopo,

²⁸la asong aphai ke bang suri phlikep-ra isira pharo pho.

²⁹Aphi ke Naphtali akhei, Naphtali arat ajalin ke Ahira, la Enan asopo,

³⁰laso asong aphai bang suriphokep-ra kethom ra pharo phli.

³¹Dan amukam along kadokave arat aphai Lak isira suri phokep-ra throksira pharothrok. Latum keja pajutsipo.

³²Lahei helo Israel arat aphai, halatum aphusar atum ahem-heihei mukam along kedo-an aphai alakha asong pen asong ateng kadokave aphai Lak throk-ra suri kethom ra pharo pho ra phokep.

³³Bonta Israel atum angbong Levi atum aphan ke lakha ponpedet-lo, la Moses aphan HEMPHU hukum kepi ateng-lo.

³⁴Lasonsi Israel atum klemlo. Moses aphan HEMPHU hukum kepi ateng klemlo, lasi latum halatum aro aro lapen adon adon ateng pen chekimsi dothak-lo.