Read Karbi KELAKHA 25 Bible Online

KELAKHA 25 - Karbi bible

KELAKHA 25

¹Akasia Arlok along Israel atum mukam kechekim ahut, pinsomar atum hadak kedo Moabpi atum pen beisa klemlo.

²Lahei a-arloso atum latum aphan karkli achojun along phalo, hadak Moab arnam aphan archolo. Israel atum an chodunlo lapen Baal arnam aphan,

³Peor along archodunlo. La apotsi latum aphan HEMPHU aningthihak lo,

⁴lapen Moses aphan pulo, “Israel ajalin atum an aphan ponnon, lapen Nephan kekroijile, latum aphan anerlole pathikoinon, anke Ne, rat aphuthak Nening thithelo.”

⁵Jalin atum aphan Moses pulo, “Nangtum abangphutin nangmethang akhei angbong Peor along a-Baal aphan karcho nangkorte atum aphan pathinangji.”

⁶Inut a-Israel aso Midian arloso Moses lapen rat atum angno apehem arlo cheponlo, lapu ke HEMPHU Kedo A-pehem ajakan along rat atum ke ningribomlo.

⁷Phinehas, la Eleazar asopo lapen Aaron kurusar asupo la thekdunlong-lo, alangli thurphlutsi rat kechingrum adim olo. Alangli chir ponsi,

⁸lapen pehem arlo kelutdam apinso lapen arloso aphi hungdunlo, lapen banghini aphanta chir pen jorplot-lo. Lasonsi Israel atum aphan kepavirji avur paklip-lo,

⁹bonta la bang suri ingkoiraphli arat aphan pathitang-et-lo.

¹⁰Moses aphan HEMPHU pulo,

¹¹“Phinehas keklem apotsi, Ne Israel arat aphan ning thithelo. Pima alangli ke akaprek arnam aphan karcho ke lang un-e, bonta nephan chot, la apotsi Ne latum aphan pavirve det-lo.

¹²La apotsi alangliphan thannon, atheke Ne alangli pen chechak-lo, la kaike kevangji ahut anta doverpo.

¹³Alangli lapen apoton an mo-mo anta kurusar keplangji aphan pathirtang-lo. Pima Nephan kekroikre atum aphan alangli lang un-e lapen rat apap aphuthak kediya alangli vanlo.”

¹⁴Midian a-arloso penpen kethi Israel abang ke Zimri, la Salu asopo, la Simeon akhei aro ajalinlo.

¹⁵Arloso amen ke Kosbi. Apo ke Zur, la Midian asong isi aro ajalinlo.

¹⁶Moses aphan HEMPHU hukum pilo,

¹⁷“Midian atum aphan tengkhengnon lapen latum aphan pavir-etnon,

¹⁸pima latum nangtum aphan Peor along nangkechobei pen nangtum aphan akehingno klemlo, lapen Kosbi pen apot, bangpi aphan Peor along avur ahutsi thi-lo.”