Read Karbi KELAKHA 29 Bible Online

KELAKHA 29 - Karbi bible

KELAKHA 29

¹Throksi achiklo kecheng arni nangtum karchoji aphan chingrum nangji, lapen thangnat akamta klemnangne. Halaso arni pong-ut-heihei but nangji.

²HEMPHU aphan isi kephrin athok pajirnon, laso angnim Alangliphan aningpadok-lo. Chainong aloso ejon, biresak alo ejon, ningkan isi arta abiresak aloso jon throksi hingnonepin api pinangji.

³Ahokpet asok-asang athok jit ajangthu pen kepangvuitang ahim aduk athok pinangji: Chainong alo along linthom ahim aduk, biresak alo along linni,

⁴lapen biresak aloso ajontin along elin lin pidun nangji.

⁵Lapen pap athok aphan bi alo ejon athok pajirnangji, lasonsi rat aphan kepangthir nangji akam klempo.

⁶Labangso sok-sang athok penpen chiklo kechengsi arni aphan lapen labangso sok-sang athok lapen drakha ahorlang athok penpen kaike kepiver kephrin athok along la-heihei abat pinon. Lahei kecho athok ke HEMPHU aphan la angnim aning pangsamlo.

⁷Throksi achiklo kep arni karchoji aphan chingrumnon; thangnat ta chori lapen kam klemri.

⁸HEMPHU aphan isi kephrin athok pajir non, atheke laso angnim Alangliphan aning pangsamlo: Chainong aloso ejon, biresak alo ejon, lapen ningkan isi arta abiresak aloso jon throksi hingnonepin nangji.

⁹Ahokpet asok-asang athok jit ajangthu pen kepangvuitang ahim aduk pajir nangji: chainong alo ajontin along linthom ahim aduk, biresak alo along linni ahim aduk, biresak aloso ajontin along elinlin pidun nangji.

¹⁰Jonthroksi abiresak pen ejontin along phankep pen ephan pinangji.

¹¹Lapen pap athok aphan ejon abi alo rat atum aphan aron ateng pen kepangthir ji aphanlo, lapen arnivang kephrin athok, la sok-sang lapen drakha ahorlang athok penpen pi nangji.

¹²Throksi achiklo krepho arni karchoji aphan chingrumnon. Ni throksi an HEMPHU aphan aman kepijile laso arong-aje talonnon, lapen thangnat akamta klemri.

¹³Kecheng arni HEMPHU aphan me kecho athok pajirnon, laso angnim alangliphan aning pangsamlo: jon krekethom achainong aloso, biresak alo jonni, lapen ningkan isi arta abiresak aloso jon krephli hingnonepin pinangji.

¹⁴Ahokpet asok-asang athok jit ajangthu pen kepangvui ahim aduk pinangji: chainong alo ajontin along linthom ahim aduk, biresak alo ajontin along linni,

¹⁵lapen biresak aloso ajontin along elinlin lahei along akenang adrakha ahorlang athokta pidun nangji.

¹⁶Lapen pap athok aphan bi alo ejon athok pajir nangji. Lahei athok ke arnivang kephrin athok along sok-sang lapen drakha ahorlang athok kepi abat la pinangji.

¹⁷Hini arni ke jon krehini achainong aloso, biresak alo jonni, lapen ningkan isi arta abiresak aloso jon krephli, kadokaveta hingnonepin pen athok pajir nangji.

¹⁸Lahei athok along sok-sang lapen drakha ahorlang athok chainong alo aphan, biresak alo aphan, lapen biresak aloso aphan, lahei aphai ateng aron ateng pen pajirnon;

¹⁹la aparta bi alo ejon pap athok aphan, kaike kepibom kephrin athok lapen la asok-asang, drakha ahorlang athok kepi abat pinangji.

²⁰Kethom arni, jon kre-isi achainong aloso, biresak alo jonni, lapen ningkan isi arta abiresak aloso jon krephli, hingnonepin pen athok pajir nangji.

²¹Lahei along sok-sang lapen drakha ahorlang chainong alo aphan, biresak alo aphan, lapen biresak aloso aphan, lahei aphai ateng, aron akenang ateng pidun nangji;

²²la aparta pap athok aphan bi alo ejon athok pajirnangji, la ke kaike kepibom kephrin athok, sok-sang athok lapen drakha ahorlang athok kepi apar abat pinangji.

²³Phli arni, jonkep achainong aloso, biresak alo jonni, lapen ningkan isi arta abiresak aloso jon krephli, hingnonepin pen athok pinangji.

²⁴Lahei along sok-sang lapen drakha ahorlang athok chainong aphan, biresak aphan lapen biresak aloso aphan, latum aphai ateng lapen aron akenang ateng athok pidun nangji;

²⁵la aparta pap athok apharman bi alo ejon, kaike kepibom kephrin athok, sok-sang athok, lapen drakha ahorlang athok kepi abat pajir nangji.

²⁶Pho arni, chainong aloso jon sirkep, biresak alo jonni, lapen ningkan isi arta abiresak aloso jon krephli, hingnonepin pen athok pajir nangji.

²⁷Lahei along sok-sang athok lapen drakha ahorlang athok chainong aloso aphan, biresak alo aphan lapen biresak aloso aphan, latum aphai ateng lapen aron akenang ateng athok pidun nangji;

²⁸la aparta pap athok aphan bi alo ejon athok, kaike kepibom kephrin athok, lapen la along sok-sang, lapen drakha ahorlang athok kepi abat pi nangji.

²⁹Throk arni, chainong aloso jon nerkep, biresak alo jonni, lapen ningkan isi arta abiresak aloso jon krephli, hingnone pin pen athok pinangji.

³⁰Lahei along sok-sang lapen drakha horlang athok, chainong aloso aphan, biresak alo aphan, biresak aloso aphan latum aphai ateng lapen aron akenang ateng pen pidun nangji;

³¹la aparta pap athok aphan bi alo ejon, kaike kepibom kephrin athok, la along sok-sang, lapen drakha ahorlang athok kepi abat pi nangji.

³²Throksi arni, chainong aloso jon throksi, biresak alo jonni, lapen ningkan isi arta abiresak aloso jon krephli, hingnonepin pen athok pi nangji.

³³Lahei along sok-sang lapen drakha ahorlang athok, chainong aloso aphan, biresak alo aphan, biresak aloso aphan latum aphai ateng lapen aron akenang ateng pen pidun nangji;

³⁴la aparta pap athok aphan bi alo ejon, kaike kepibom kephrin athok, la along sok-sang, lapen drakha ahorlang athok kepi abat pi nangji.

³⁵Nerkep arni, karchoji aphan chingrumpet non, lapen thangnat akam ta klemri.

³⁶Isi kephrin athok lake HEMPHU aphan me kecho athok ason pajirnon, la angnim alangliphan aning pangsamlo: ejon achainong aloso, biresak alo ejon, ningkan isi arta abiresak aloso jonthroksi, lahei hingnonepin pen athok pinon.

³⁷Lahei along soksang lapen drakha ahorlang athok, chainong aloso aphan, biresak alo aphan, lapen biresak aloso aphan latum aphai ateng lapen aron akenang ateng pen pidun nangji;

³⁸la aparta pap athok aphan bi alo ejon, kaike kepibom kephrin athok, la along sok-sang, lapen drakha ahorlang athok kepi abat pi nangji.

³⁹Kephrin athok-heihei, sok-sang athok-heihei, drakha ahorlang athok-heihei, kejelang athok-heihei, nangtum HEMPHU aphan keklem nangji kebattang Arong-aje-heihei ahut kerim nangji aron-atang-lo. Lahei ke nangtum kechechak mate ningkangsam adan kechepachok apar abat athok-lo.

⁴⁰Lasi Moses aphan HEMPHU kopisi hukum kepiloma laso atengsi alangli Israel arat aphan asontinta than-et-lo.