Read Karbi KELAKHA 30 Bible Online

KELAKHA 30 - Karbi bible

KELAKHA 30

¹Israel akhei ajalin atum aphan Moses lahei alam pinkhat-lo.

²Mane jongsi semetang pen HEMPHU aphan pine kepiji mate semetangsi pine ason pen chepaheloji pulote, alangli kechechak ason ingdidedet nangji, bonta alangli keklem unji pu kepu akam klemvek nangji.

³Mane animsopimar apo ahem kechedodun ahut jongsi HEMPHU aphan pine kepiji aphan chechak-lote mate pine ason pen kechepaheloji aphan chechak-lote,

⁴alangli kechechak ason klemvek nangji mate alanglipo la arjulong pen khangdundetik ke chechak ason chepapleng nangji.

⁵Bonta bangpi apo abang kechechak alam arjulong pen paplengrinon pu khangdunlote, bangpi la papleng nangnelo. HEMPHU alangliphan diyapo, pima bangpi aposi bangpi aphan la kepaplengji aphan molo.

⁶Jongsi mane pinan-kedode abangpi chinilorpen mate mathakrang pen, semetang-lo, mate pine ason pen chepaheloji aphan chechak-lo lapen aphi penan dokok-lo,

⁷alangli semeketang mate kechechak ateng klem paplengvek nangji, jongsi apenan abang la arjulong pen khangdundetangte.

⁸Bonta jongsi bangpi apenan la arjulong pen seme kechechak ason kepaplengji pen khang-lo pulote, bangpi la papleng nangnelo, HEMPHU bangpi aphan diyadetpo.

⁹Inut ahemepi, mate inut ketitang a-arloso atum alanglitum seme lapen kechechak asontin klem paplengvek nangji, seme tame mate pine ason pen chepaheloji pu kechechak ason tame.

¹⁰Inut asarpimar semetang-lo, mate pine ason pen chepaheloji aphan chechak-lote,

¹¹alangli semeketang mate kechechak ason klem paplengvek nangji, jongsi laso alam karjulong ahut apenan abang khangdunde tangte.

¹²Bonta jongsi alangli penan abang alangli semeketang alam kepaplengji aphan karjulong ahut alangliphan khangdunlo tangte, alangli la papleng nangnelo. HEMPHU alangliphan diyapo, thangbakma alangli penan alangli seme paplengji aphan alangliphan khang-lo.

¹³Bangpi aseme lapen kechechak ason aputhak bangpi apenan abang pathir-un mate hili dun ajakong do.

¹⁴Bonta bangpo karjulong arni pen thangnatta hili dunde pulote bangpi aseme mate kechechak ason chepaplengvek nangji. Halaso karjulong arni bangpo abang kehili dundedet pen ajok alangli bangpi aseme pathirdunlo.

¹⁵Bonta jongsi alangli seme phrilo-tangte, seme ketang alam papleng un-e ale alangli chechakvek nangpo.

¹⁶Lahei helo inut penan-kedode a-arloso apo ahem kedotik ahut mate inut asarpimar semeketang aputhak HEMPHU Moses aphan kepi aronlo.